لەونيد ملەچين قاڭتار وقيعاسى جايلى كىتابى تۋرالى: توقايەۆ وقيدى دەپ ۇمىتتەنەمىن

«24-جەلتوقسان كۇنى الماتىدا ءوتىپ بارا جاتقان جىلدا بارلىعىن ءدۇر سىلكىندىرگەن وقيعاعا ارنالعان «قاڭتار تراگەدياسى. پرەزيدەنت توقايەۆ جانە ساباق الۋ» اتتى جاڭا كىتابىمدى ۇسىنا الاتىندىعىما سەنىمدى بولعان ەدىك. ءبىراق، وكىنىشكە وراي ءبىزدى بىرنەشە جىل بويى اۋرە- سارساڭعا سالىپ كەلگەن ۆيرۋس ماعان دا جەتتى. دارىگەرلەر ماعان ۇشۋعا جانە بىرەۋلەرمەن كەزدەسۋگە تىيىم سالدى. سوندىقتان قازاقستانداعى كىتاپ تۇساۋكەسەر قاڭتارعا دەيىن كەيىنگە شەگەرىلەدى. وسىناۋ ماڭىزدى وقيعا جايىندا كىتاپ جازۋىما نە تۇرتكى بولعاندىعىن ايتىپ بەرۋ مۇمكىندىگىم بولادى دەپ ۇمىتتەنەمىن»، - دەدى ول.

قالامگەر ارىپتەستەرىنىڭ كىتاپتىڭ قالاي جازىلعانى جايلى ءجيى سۇراق قوياتىندىعىن اتاپ وتەدى.

«تۇسىنگەنىم، بارلىعىن پرەزيدەنت توقايەۆتان قاڭتار وقيعاسىنا قاتىستى سۇحبات العان- الماعانىما قاتىستى ساۋال قىزىقتىرادى. سۇحبات بولعان جوق. پرەزيدەنت مەنىڭ مۇنداي كىتاپ جازۋعا نيەتىم بار ەكەندىگىن بىلەدى. ءبىراق جۇمىسىم جازىلعانعا دەيىن دە، جارىق كورگەنگە دەيىن دە تانىس بولعان جوق. مەملەكەت باسشىسى ونى وقۋعا ۋاقىت تابادى دەپ ۇمىتتەنەمىن»، - دەدى لەونيد ملەچين.

سونىمەن قاتار ول «لەونيد ملەچين تاريحى» اتتى Youtube كانالىندا وسى اپتادان باستاپ قاڭتار وقيعاسىنا قاتىستى كوپسەريالى فيلم جاريالاناتىندىعىن اتاپ وتەدى. كۇن سايىن ءبىر سەريادان كورسەتىلمەك.

ايتا كەتەيىك، تاياۋدا رەسەيدەگى قازاقستان ەلشىلىگىندە لەونيد ملەچيننىڭ «تراگيچەسكي يانۆار. پرەزيدەنت توكايەۆ ي يزۆلەچەنيە ۋروكوۆ» كىتابى تانىستىرىلعان ەدى.