قاڭتار وقيعاسىن قايتا بولدىرماۋ شارالارى قابىلدانىپ جاتىر - تيمۋر تاجىمبايەۆ
بۇل تۋرالى ق ر باس پروكۋرورىنىڭ ءبىرىنشى ورىنباسارى تيمۋر تاجىمبايەۆ ايتتى، دەپ حابارلايدى قازاقپارات ءتىلشىسى.
«قازىر بارلىق مەملەكەتتىك اپپارات قاڭتار وقيعاسىن قايتا بولدىرماۋ ءىس-شارالارىن قابىلداپ جاتىر. پرەزيدەنت سايلاۋالدى باعدارلاماسىندا ناقتى تاپسىرمالار بەردى. ولار اگرارلىق سەكتوردى، ەكونوميكا سالاسىن، ينفراقۇرىلىمدىق دامۋ، تسيفرلاندىرۋدى قامتيدى. سونىمەن قاتار، ازاماتتاردىڭ ءال-اۋقاتىن، ءبىلىم ساپاسىن ارتتىرۋ، مەديتسينا، سوت تورەلىگى مەن قۇقىق تارتىبىنە قاتىستى»، - دەدى ول باس پروكۋراتۋرانىڭ بيىلعى جۇمىسىن قورىتىندىلاۋعا ارنالعان باسپا ءسوز ءماسليحاتىندا.
سونىمەن قاتار باس پروكۋروردىڭ ءبىرىنشى ورىنباسارى باسىمدىق بەرىلەتىن باعىتتاردى دا اتادى.
«ولار - ازاماتتاردىڭ كونستيتۋتسيالىق قۇقىقتارىن ساقتاۋ، ازاپتاۋ، وتباسىلىق زورلىق-زومبىلىق، ەسىرتكى، الاياقتىق جانە قارجى پيراميداسىمەن كۇرەس. الداعى ۋاقىتتا پروكۋراتۋرا ورگاندارى وسى جانە باسقا دا پرەزيدەنت تاپسىرمالارىن شەشۋگە بار كۇشىن باعىتتايدى»، - دەدى تيمۋر تاجىمبايەۆ.
