كارىم ءماسىموۆ پەن بۇرىنعى قورعانىس ءمينيسترى مۇرات بەكتانوۆ ءىسى سوتقا جىبەرىلدى - باس پروكۋراتۋرا
بۇل تۋرالى ق ر باس پروكۋرورىنىڭ ءبىرىنشى ورىنباسارى تيمۋر تاجىمبايەۆ ايتتى، دەپ حابارلايدى قازاقپارات ءتىلشىسى.
«قاڭتار وقيعاسىن تەرگەۋ اياقتالىپ جاتىر. بۇگىندە 1249 تۇلعا سوتتالدى. نەگىزىنەن ولار ۇرلىق جاساپ، قارۋ توناعان، تارتىپسىزدىكتەرگە قاتىسقان. ناقتى مەرزىمگە 160 تۇلعا سوتتالدى. قالعاندارى ءبىرشاما جەڭىل جازاعا تارتىلدى. ماسىموۆكە جانە ۇ ق ك- ءنىڭ وزگە دە باسشىلارىنا قاتىستى ءىس سوتقا جىبەرىلدى. ولارعا بيلىكتى باسىپ الۋعا تىرىسۋ، مەملەكەتكە وپاسىزدىق جاساۋ جانە بيلىكتى اسىرا پايدالانۋ ايىبى تاعىلعان. سونىمەن قاتار بيىلىكتى اسىرا پايدالاندى دەپ ايىپتالعان بۇرىنعى قورعانىس ءمينيسترى بەكتانوۆ ءىسى دە سوتتا جاتىر»، - دەدى ول
باس پروكۋراتۋرانىڭ بيىلعى جۇمىسىن قورىتىندىلاۋعا ارنالعان باسپا ءسوز ءماسليحاتىندا.
ونىڭ دەرەگىنشە، الماتى قالاسى، الماتى جانە قىزىلوردا وبلىستىق ۇلتتىق قاۋىپسىزدىك جانە پوليتسيا دەپارتامەنتتەرىنىڭ بۇرىنعى باسشىلارىنا قاتىستى تەرگەۋ اياقتالعان.
«زورلىق-زومبىلىق جاساۋ فاكتىسى بويىنشا الماتى مەن تالدىقورعان قالالارىندا ۇ ق ك مەن ءى ءى م- ءنىڭ 29 قىزمەتكەرىنە قاتىستى قىلمىستىق ءىس اياقتالدى. ونىڭ ىشىندە 17 ءىس سوتقا جىبەرىلدى»، - دەدى تيمۋر تاجىمبايەۆ.
