قازاقستاندا ايفون وكىلدىگى قاشان اشىلادى

بۇل تۋرالى ق ر سىرتقى ىستەر ءمينيسترىنىڭ ورىنباسارى الماس ايداروۆ ايتتى، دەپ حابارلايدى قازاقپارات ءتىلشىسى.

«ەلشىلەرىمىز الپاۋىت كومپانيالاردىڭ باس كەڭسەسىمەن تىكەلەي سويلەسىپ جاتىر. ءاربىر جەكە برەندپەن ءبىز وسى جەردە نەنى قالايتىنىمىزعا قاتىستى كەلىسسوز جۇرگىزىلۋدە. ەگەر Apple جايىندا ايتار بولساق، وندا وعان قازاقستاندا ءوندىرىس ۇسىنۋ قيسىنعا كەلمەيتىن سياقتى. بىزدە، قازاقستاندا سمارتفون شىعارۋ ءۇشىن باسەكەلەستىك باسىمدىق جوق. سونىمەن قاتار اتالعان ونىمدە قولدانىلاتىن وڭدەلگەن سيرەك كەزدەسەتىن مەتاللدار، ارزان جۇمىس كۇشى دە جوق قوي. سوندىقتان ناقتى Apple مەن الماتىدا ساۋدا جونىندەگى رەسمي وكىلدىگىن اشۋ جونىندە كەلىسسوز جۇرگىزىلىپ جاتىر. بىزگە Apple مۇنداي دەڭگەيدەگى ماسەلەلەردىڭ شەشىلۋىنە شامامەن 3-4 -جىل ۋاقىت كەتەتىنىن العا تارتىپ وتىر»، - دەدى ول ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا ب ا ق وكىلدەرىنىڭ ساۋالىنا وراي.