سانكتسياعا ىلىنگەن رەسەيلىك كومپانيالاردىڭ قازاقستانعا كىرۋىنە شەكتەۋ قويىلادى

«ءار كومپانيا بۇل سانكتسيالاردى جەكە قابىلدايدى. سوندىقتان مۇنداي كوورديناتتا جۇمىس ىستەۋ وتە كۇردەلى. ازىرشە ءبىزدىڭ قولىمىزدان كەلىپ وتىر جانە ءبىر دە ءبىر قازاقستاندىق كومپانيا تىكەلەي دە، قايتالاما دا سانكتسياعا ىلىككەن جوق. مۇنى ءجىتى قاداعالاپ وتىرمىز. بىزگە رەسەيدەن كەتىپ جاتقان، نارىعىمىزدىڭ كولەمىنە بايلانىستى قازاقستانعا مۇددەلىك تانىتپاعان، ءبىراق، قازىر باسقا الاڭدار ىزدەۋگە ءماجبۇر شەتەلدىك ۇلكەن كومپانيالار قىزىق. مۇنداي كومپانيالارمەن وتە بەلسەندى جۇمىس ىستەپ جاتىرمىز. ناۋرىزدان بەرى ەلشىلەرىمىز ولاردىڭ باستى كەڭسەسىمەن كەلىسسوز جۇرگىزىپ جاتىر. ولارعا جەرگىلىكتى سەرىكتەستەر، ورنالاستىرۋ ءۇشىن جەدەل الاڭدار ىزدەۋدەمىز»، - دەدى ول ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا ب ا ق وكىلدەرىنىڭ ساۋالىنا وراي.

ءمينيستردىڭ ورىنباسارى رەسەيلىك كومپانيالار قازاقستاندى جاقسى بىلەتىندىگىن اتاپ ءوتتى.

«سوندىقتان ولاردى ورنالاستىرۋمەن بەلسەندى تۇردە اينالىسىپ جاتقانىمىز جوق. ءبىراق، سانكتسيالىق كومپانيالاردى، سانكسياعا ىلىنگەن جەكە تۇلعالاردى قاداعالاپ وتىرمىز. ءۇش دەڭگەيلى تەكسەرۋ بار. ولار كەلگەندە سونى قولدانامىز. ەگەر قۇرىلتايشى نە جەكە تۇلعا سانكسياعا ىلىكسە نەمەسە رەسەيلىك باستى كومپانيا سانكتسيا قۇرساۋىندا بولسا، وندا ونداي كومپانيالادىڭ ەلىمىزگە كىرۋىنە شەكتەۋ قويامىز. ويتكەنى، قارجىلىق وپەراتسيا جۇرگىزۋ، بانك قىزمەتتەرىن كورسەتۋ مۇمكىن ەمەس. دەگەنمەن، رەسەيلىك كومپانيالاردىڭ كەلىپ جاتقانىن كورىپ وتىرمىز. ونى وزدەرىڭىز دە سەزگەن شىعارسىزدار. جاڭا زاڭدى تۇلعالاردىڭ تىركەلۋى ەسەلەپ ارتتى. نەگىزىنەن ولار - ءىت سەكتورىنداعى جانە ساۋدا سالاسىنداعى كومپانيالار. ياعني، شاعىن جانە ورتا بيزنەس كوشىپ جاتىر جانە بەلسەندى جۇمىس ىستەۋدە»، - دەدى الماس ايداروۆ.