ەكونوميكا ءمينيسترى جاڭا ەكونوميكالىق ساياساتتىڭ باسىمدىلىعىن اتادى

«الەم ءبىر ورىندا تۇرمايدى، ۇنەمى وزگەرىستە. سوندىقتان ءبىز ەكونوميكالىق ساياساتتى دا سوعان ساي وزگەرتىپ وتىرۋىمىز كەرەك. شاعىن جانە ورتا بيزنەس ماڭىزدى سالا. سەبەبى دامىعان ەلدەردە شاعىن جانە ورتا بيزنەستىڭ ۇلەسى 50 پايىزدان اسادى. بىزدە ول شامامەن 37 پايىز. ەندى ءبىزدىڭ مىندەتىمىز ونى كوتەرۋ. سودان كەيىن قاراپايىم حالىقتىڭ ءال اۋقاتىن كوتەرۋ ونىڭ ىشىندە، وڭىرىلىك تەڭگەرىمسىزدىكتى جويۋ، اۋىلداردى دامىتۋ. وزدەرىڭىزگە ءمالىم، پرەزيدەنتتىڭ يناۋگۋراتسيادان كەيىنگى ءبىرىنشى جارلىعى اۋىلداردى دامىتۋ تۇجىرىمداماسى بولدى. ەندى سول تۇجىرىمدامانى ۇلتتىق ەكونوميكا مينيسترلىگى اكىمدىكتەرمەن بىرلەسىپ پىسىقتاپ جاتىر»، - دەدى الىبەك قۋانتىروۆ.

مينيستر پاندەميانىڭ ەل ەكونوميكاسىنا تيگىزگەن تەرىس اسەرلەرىنە توقتالدى. الىبەك قۋانتىروۆتىڭ سوزىنشە، سوڭعى 20 جىل ىشىندە قازاقستان ەكونوميكاسىنداعى ەڭ ءىرى تەرىس ءوسىم 2020 -جىلى بايقالعان. ول جىلى پاندەميا سالدارىنان -2,5 پايىزعا قۇلدىراعان.

اۆتور

ءاليحان اسقار