كوزاچكوۆ ءىسى: ارنايى پروكۋرورلاردىڭ ناقتى تاپسىرماسى بار
ومىراليەۆ باس پروكۋرور پروتسەستىك توپقا قوعامدىق ۇيىمدار مەن ادۆوكاتتار وتىنىشىندەگى بارلىق دالەلدى تولىق زەردەلەۋدى تاپسىرعانىن ايتتى.
«وزدەرىڭىزگە بەلگىلى، 18- جەلتوقساندا كوزاچكوۆتى ءبىرقاتار قىلمىس جاسادى دەگەن كۇدىكپەن قارجى مونيتورينگى اگەنتتىگى ۇستادى. سول كۇنى ونىڭ ۇيىندە ايەلىنىڭ قاتىسۋىمەن ءتىنتۋ جۇرگىزىلدى. سوتتىڭ رۇقساتى بويىنشا، كۋاگەرلەر قاتىسقان ءتىنتۋ جۇرگىزىلدى، بارلىق پروتسەسس ۆيدەوعا ء تۇسىرىلدى. قازىر بۇل ىسكە بارلىق قاداعالاۋدى الماتى قالاسىنىڭ پروكۋراتۋراسى جۇرگىزەدى، سونداي-اق، باس پروكۋرور ارنايى پروكۋرورلار توبىنا وسى ءىستىڭ ءمان-جايىن بارىنشا وبەكتيۆ جانە اشىق تۇردە تەرگەپ- تەكسەرۋ تۋرالى ناقتى نۇسقاۋ بەردى. سىزدەرگە باس پروكۋراتۋرا قابىلداعان شەشىم تۋرالى جاقىن ارادا حابارلانادى»، - دەپ ءتۇسىندىردى ومىراليەۆ ماجىلىستە جۋرناليستەردىڭ ساۋالىنا جاۋاپ بەرىپ.
ەسكە سالايىق، تانىمال جۋرناليست ميحايل كوزاچكوۆ 18- جەلتوقساندا ۇستالعان بولاتىن. بۇل اقپاراتتى قارجىلىق مونيتورينگ اگەنتتىگى راستادى. ول كوسپايەۆتىڭ ۇيىمداسقان قىلمىستىق توبىنا رەيدەرلىك باسىپ الۋلار جاساۋعا كومەكتەسكەن دەگەن كۇدىككە ىلىنگەن.
بۇل ىسكە قاتىستى توقايەۆتىڭ باسپا ءسوز حاتشىسى رۋسلان جەلدىباي دا پىكىر بىلدىرگەن بولاتىن. ول بۇل ءىس قازاقستان رەسپۋبليكاسىنىڭ زاڭناماسىنا سايكەس تەك قۇقىق شەڭبەرىندە قارالۋعا ءتيىس ەكەنىن اتاپ ءوتتى.
