بيلىكتى كۇشپەن باسىپ الۋعا وقتالعان ادام بۇرىن قۇقىق قورعاۋ ورگاندارىندا جۇمىس ىستەگەن
ول بۇرىن ىشكى ىستەر ورگاندارىندا جۇمىس ىستەگەن، دەپ حابارلايدى قازاقپارات استانا قالالىق سوتىنا سىلتەمە جاساپ.
«ازامات ش. ىشكى ىستەر ورگاندارى قىزمەتكەرلەرىنىڭ انتىن بۇزىپ، بيلىكتى كۇشپەن باسىپ الۋعا، ەلدىڭ كونستيتۋتسيالىق قۇرىلىمىن وزگەرتۋگە باعىتتالعان قىلمىستىق ويعا بەرىلگەن. ادامداردىڭ جاپپاي ناراشىلىق جيىندارىن ۇيىمداستىرۋعا جاقتاستار ىزدەپ، ءوزىنىڭ راديكالدى لاڭكەستىك يدەيالارىن ناسيحاتتاعان. كۋاگەرلەردى 2022-جىلدىڭ 17- مامىرىندا استانادا زاڭسىز ميتينگە شىعىپ، ودان كەيىن شەت مەملەكەتتەردىڭ ەلشىلىكتەرىنە جانە مەملەكەتتىك ورگانداردىڭ عيماراتتارىنا لاڭكەستىك شابۋىل جاساۋعا، جاپپاي تارتىپسىزدىككە ارانداتۋعا، ەلدەگى بيلىكتى كۇشپەن باسىپ الىپ، شاريات زاڭىن ورناتۋعا شاقىرعان»، - دەلىنگەن سوت حابارلاماسىندا.
سوت ازامات ش- نى بيلىكتى كۇشپەن باسىپ الۋ، مەملەكەتتىڭ قاۋىپسىزدىگىن بۇزۋدى، قازاقستاننىڭ كونستيتۋتسيالىق قۇرىلىسىن كۇشتەپ وزگەرتۋدى، تەرروريزمدى ناسيحاتتاۋعا، لاڭكەستىك ارەكەتتەر ۇيىمداستىرۋ ماقساتىندا ادامداردى دايىنداۋ جانە تەررورلىق اكتىلەردى ازىرلەۋگە كىنالى دەپ تانىدى.
بۇعان دەيىن ۇلتتىق قاۋىپسىزدىك كوميتەتى ەلوردا تۇرعىنى ش- عا قاتىستى سوت شەشىمى زاڭدى كۇشىنە ەنگەنىن ءمالىم ەتكەن بولاتىن.
