زەينەتاقى جيناعىن جەكە كومپانيالارعا بەرۋ: قۇجاتتى پارلامەنت قاشان قارايدى
«مەملەكەت باسشىسى 2022-جىلعى 12- جەلتوقسانداعى قازاقستان رەسپۋبليكاسى ۇكىمەتىنىڭ كەڭەيتىلگەن وتىرىسىندا ءبىرىڭعاي جيناقتاۋشى زەينەتاقى قورى (بۇدان ءارى – ب ج ز ق) سالىمشىلارىنىڭ ءوز زەينەتاقى جيناقتارىنىڭ 50 پايىزىنا دەيىن جەكە باسقارۋعا بەرۋ جونىندەگى قۇقىقتارىن كەڭەيتۋ بولىگىندە تاپسىرما بەردى. «ادىلەتتى مەملەكەت. ءبىرتۇتاس ۇلت. بەرەكەلى قوعام» اتتى مەملەكەت باسشىسىنىڭ 2022-جىلعى 1- قىركۇيەكتەگى قازاقستان حالقىنا جولداۋىن ىسكە اسىرۋ جونىندەگى جالپىۇلتتىق ءىس-شارالار جوسپارىنىڭ 66-تارماعىندا جەكە كومپانيالاردى زەينەتاقى اكتيۆتەرىن باسقارۋعا تارتۋ مۇمكىندىگىن كوزدەيتىن ب ج ز ق- نىڭ ءتيىمدى ينۆەستيتسيالىق ستراتەگياسىن ازىرلەۋ بويىنشا شارالار قابىلداۋ كوزدەلگەن»، - دەپ اتاپ وتەدى اگەنتتىك ءتوراعاسى.
ونىڭ اتاپ وتۋىنشە، اتالعان تاپسىرمالاردى ورىنداۋ اياسىندا اگەنتتىك ب ج ز ق- نىڭ بارلىق سالىمشىلارىنا ەڭ تومەنگى جەتكىلىكتىلىك شەگىنىڭ بولۋىنا قاراماستان وزدەرىنىڭ زەينەتاقى جيناقتارىنىڭ 50 پايىزىنا دەيىن جەكە باسقارۋعا بەرۋگە مۇمكىندىك ۇسىنۋدى كوزدەيتىن ءتيىستى زاڭنامالىق تۇزەتۋلەر ازىرلەپ، ولاردى قازاقستان رەسپۋبليكاسىنىڭ الەۋمەتتىك كودەكسىنىڭ جوباسىندا ىسكە اسىرۋ ءۇشىن ەڭبەك جانە حالىقتى الەۋمەتتىك قورعاۋ مينيسترلىگىنە جىبەرگەن.
«قازاقستان رەسپۋبليكاسى ۇكىمەتىنىڭ زاڭ جوبالاۋ جۇمىستارىنىڭ 2022-جىلعا ارنالعان جوسپارىنا سايكەس، الەۋمەتتىك كودەكستىڭ جوباسىن قازاقستان رەسپۋبليكاسىنىڭ پارلامەنتىنە ەنگىزۋ 2022-جىلعى جەلتوقسانعا جوسپارلانعان»، - دەدى ءمادينا ءابىلقاسىموۆا.
بۇعان دەيىن زەينەتاقى جيناعىنىڭ 50 پايىزىن جەكە كومپانيالارعا اۋدارۋ مۇمكىندىگى جاسالاتىندىعى تۋرالى حابارلادىق.
