تەلەارنالاردا اقپاراتتى اۋديتورياعا جەتكىزۋ ادىستەرى وزگەرىپ جاتىر - ءلاززات تانىسباي

بۇل تۋرالى ەلورداداعى ءبىرىنشى ورتالىق ازيا مەديافورۋمىندا «قازاقستان» ر ت ر ك» ا ق باسقارما ءتوراعاسى ءلاززات تانىسباي ايتتى، دەپ حابارلايدى قازاقپارات ءتىلشىسى.

«جاس ۇرپاق اراسىندا تەلەۆيزيا ەندى قوعامدى قىزىقتىرمايدى دەگەن قاتە پىكىر ايتىلىپ ءجۇر. شىن مانىندە، بۇل سالا جويىلىپ كەتپەيدى، تەك اۋديتوريامىزعا جەتكىزۋ ادىستەرى عانا وزگەرەدى. اتاپ ايتقاندا، ينتەرنەتتە كورۋگە بولاتىن سەنىمدى جانە تارتىمدى كونتەنتتىڭ بارلىعىن تەلەارنا قىزمەتكەرلەرى دايىنداپ جۇرگەنىن بايقاۋعا بولادى»، - دەدى ل. تانىسباي.

سونىمەن قاتار ول بۇگىندە تەلەارنالاردىڭ عالامتورداعى جانە الەۋمەتتىك جەلىلەردەگى كونتەنتىنە قىزىعۋشىلىق وتە زور ەكەنىن ايتتى.

«سوندىقتان بۇل تاقىرىپقا قاتىستى توقتالساق، شىن مانىندە تەلەۆيزيا كونتەنتىنە دەگەن زور سەنىم بار. بۇعان دالەل رەتىندە وسى باعىتتاعى كورسەتكىشتەردى ايتۋعا بولادى. كەشە عانا بۇل سالاداعى زەرتتەۋلەردى قاراپ شىقتىم. بۇل زەرتتەۋدى USAID تاپسىرىسى بويىنشا ينتەرنيۋس جۇرگىزگەن. اۋديتوريا كۇن سايىن الەۋمەتتىك جەلىلەردى قاراعاندى ۇناتادى ەكەن، ءبىراق حالىقتىڭ %54 بۇرىنعىشا ءداستۇرلى ب ا ق- قا سەنەدى. وسى ورايدا تەلەديدار ءبىرىنشى ورىندا، كاسىبي ينتەرنەت سايتتار ەكىنشى ورىندا بولسا، ال ءۇشىنشى ورىندا الەۋمەتتىك جەلىلەر تۇر»، - دەدى ءلاززات تانىسباي.