12:55, 20 - جەلتوقسان 2022 | GMT +5
ۆيتسە-پرەمەر جەڭىلدەتىلگەن اۆتونەسيەنىڭ نەگە توقتاپ تۇرعانىن ءتۇسىندىردى
استانا. قازاقپارات – ق ر پرەمەر-ءمينيسترىنىڭ ءبىرىنشى ورىنباسارى رومان سكليار جەڭىلدەتىلگەن اۆتونەسيەنىڭ نەگە قايتا جاندانباي جاتقانىن ءتۇسىندىردى، دەپ حابارلايدى قازاقپارات ءتىلشىسى.
«جەڭىلدەتىلگەن اۆتونەسيەنىڭ كەزەكتى تولقىنى جانداناتىنى تۋرالى مالىمەتتەر ايتىلعان. سول ءىس نەگە توقتاپ تۇر؟ اقشا جەتپەي جاتىر ما، الدە اقپاراتتىق جۇيەدە اقاۋ بار ما؟» دەپ سۇرادى ب ا ق وكىلى.
رومان سكلياردىڭ ايتۋىنشا، باعدارلامانىڭ ەندىگى قارقىنى بۇعان دەيىن نەسيە العانداردىڭ قارىزىن ۋاقتىلى تولەپ تۇرعانىنا بايلانىستى.
«بايتەرەك» حولدينگىنىڭ ماعان بايانداعان مالىمەتى بويىنشا، ريەۆولۆەرلىك نەگىزدە بەلگىلى ءبىر مولشەردە قارجى جيناقتالۋ كەرەك. ول اقشا كەلەسى ترانشپەن جەڭىلدەتىلگەن اۆتونەسيە رەتىندە باسقا ازاماتتارعا بەرىلۋگە ءتيىس. قازىر 188 ميلليارد تەڭگە رەۆولۆەرلىك نەگىزدە وسى جۇيە بويىنشا يگەرىلىپ جاتىر. بۇل جۇمىس جالعاسادى»، - دەدى ۆيتسە-پرەمەر.
