قازاقستان الپينيزمنەن الەم چەمپيوناتىندا توپ جاردى

قازاقستاندىق كومانداعا الپينيستەر رومان شەستەرنين، لەونيد كرۋپا، زاكيرجان ابدۋرايموۆ جانە ستانيسلاۆ لاينوپۋلو ەندى. كوماندانى سپورت شەبەرى ماكسيم تەن باسقاردى، جاتتىقتىرۋشىلار - سپورت شەبەرلەرى ارتەم سكوپين جانە ۆياچەسلاۆ تيتوۆ. بۇكىل باعىتتىڭ ۇزىندىعى - 1670 م، بيىكتىك ايىرماشىلىعى - 910 م. كوماندا باعىت بويىنشا 6 كۇن ءجۇرىپ، ارنايى پلاتفورمادا تۇنەدى.

«7- كۇنى ءبىز شىڭعا كوتەرىلىپ، جاي عانا اشىق اسپان استىنداعى قارلى شۇڭقىرعا جايعاستىق. بيىكتە جەل مەن سۋىق ازىناپ تۇر، ءبىز بۇل ورمەلەۋدەن شارشادىق دەپ ايتا المايمىز، ويتكەنى، مەجەگە جەتكەندەگى سەزىم مەن قۋانىش ءبارىن ۇمىتتىراپ جىبەرەدى»، - دەدى الپينيست لەونيد كرۋپا.

شىڭعا ورلەۋشىلەردىڭ ايتۋىنشا، ۆەرنىي شىڭىنىڭ سولتۇستىك- باتىس بەتكەيىنە كوتەرىلۋ ۇلكەن قىزىعۋشىلىق تۋدىرعان. سەبەبى، قابىرعالار تىك، ال كەيبىر تۇستارى ەڭىس كەلەدى، ىشكى بۇرىشتار جانە شودىر تاستار بار.

رەداكتور

اسحات رايقۇل