استاناداعى باس شىرشانىڭ شامدارى جاعىلدى

«قۇرمەتتى ەلوردامىزدىڭ تۇرعىندارى مەن قوناقتارى! جاڭا جىل قارساڭىندا سىزدەرگە مەرەكەلىك كوڭىل كۇي، قۋانىش، وتباسىلارىڭىزعا زور دەنساۋلىق تىلەيمىن! استانامىز دامىپ، وركەندەي بەرسىن! الداعى جىل قالا ءۇشىن بەرەكەلى بولسىن!

بۇگىن جاڭا جىل مەرەكەسىن باستاعالى وتىرمىز. مۇنداي ءىس- شارالار ءالى دە كوپ بولادى. قالامىزدىڭ بارلىق اۋدانىندا مۇزايدىندار مەن سىرعاناقتار جاسالىپ جاتىر، وندا ءاربىر ادام بوس ۋاقىتىن كوڭىلدى وتكىزە الادى»، - دەدى استانا اكىمى جەڭىس قاسىمبەك سالتاناتتى شارادا.

ءىس-شارا Astana Muz Fest اۋقىمدى قىسقى فەستيۆال اياسىندا وتكىزىلدى. شىرشا شامدارىن جاعۋ ءراسىمى الدىندا ەلوردا تۇرعىندارى مەن قوناقتارىنا «عاجايىپتار ءتۇنى» ەرتەگى مۇز-شوۋى كورسەتىلدى.

شىرشانىڭ بيىكتىگى - 25 مەتر. ول جۇزدەگەن شامشىراقپەن بەزەندىرىلگەن، اتاپ ايتقاندا 750 مەتر گيرلياند، 360 جارىقشام جانە 900 دەن استام شىرشا شارى قولدانىلدى.