جاس ماماننىڭ كاسىبي بىلىكتىلىگىن تەكسەرىپ، سەرتيفيكات بەرۋ نە ءۇشىن قاجەت
«ماماننىڭ كاسىبي بىلىكتىلىگىن سەرتيفيكاتتاۋ بويىنشا مينيسترلىككە سۇراقتار كەلىپ جاتىر. بىزدە بۇعان دەيىن دە سەرتيفيكاتسيادان ءوتىپ تۇراتىن ماماندىق يەلەرى بار. مىسالى، بۋحگالتەرلەر كاسىبيلىگىن سەرتيفيكاتسيادان ءوتىپ راستايدى. ەندى ماماندىقتاردىڭ اياسى كەڭەيە تۇسپەك. قازىر ءبىز قۇزىرلى ورگاندار جانە «اتامەكەن» ۇلتتىق كاسىپكەرلەر پالاتاسىمەن بىرلەسىپ كاسىبي بىلىكتىلىك ستاندارتتارىن ازىرلەپ جاتىرمىز. كوللەدج نەمەسە ۋنيۆەرسيتەت بىتىرگەن تۇلەكتەردىڭ ماماندىعى بويىنشا كاسىبي بىلىكتىلىگىن تەكسەرۋ ءۇشىن «اتامەكەن» ۇ ك پ جانىنان اككرەديتاتسيالاۋ ورتالىعى اشىلادى»، - دەدى ەربول وسپانوۆ و ك ق- دە وتكەن بريفينگىدە.
ونىڭ ايتۋىنشا، كاسىبيلىكتى تەكسەرۋدەگى ماقسات - ماماننىڭ ءوز ءىسىن قانشالىقتى بىلەتىندىگىن انىقتاۋ.
«جاس مامان جۇمىس بەرۋشىنىڭ تالاپتارىنا سايكەس كەلە مە؟ سونى انىقتايدى. قولىندا سەرتيفيكاتى بار قىزمەتكەر - كاسىبي بىلىكتى مامان دەگەن ءسوز»، - دەيدى ول.
بۇعان دەيىن ەلىمىزدە الەۋمەتتىك قىزمەتكەرلەردىڭ مارتەبەسى قايتا قارالىپ جاتقانىن حابارلاعان ەدىك. ەڭبەك ۆيتسە-ءمينيسترى ەربول وسپانوۆ ءمالىم ەتكەندەي، الەۋمەتتىك قىزمەتكەرلەردىڭ مارتەبەسى كوتەرىلىپ، جالاقىسى ارتادى.
