تەلەفون ارقىلى الاياقتىق جاسايتىندارمەن كۇرەس قالاي ءجۇرىپ جاتىر
«بۇل ماسەلەنى بىرنەشە رەت ىشكى ىستەر مينيسترلىگى وكىلدەرىن جانە وپەراتورلاردى بىرگە جيناپ، تالقىلادىق. ۇيالى بايلانىس وپەراتورلارى ءتيىستى ينتەگراتسيانى جۇرگىزىپ جاتىر. ولاردىڭ ءارقايسىسى جەكەلەي الاياقتاردى انىقتاۋدى ۇيرەنىپ كەلەدى. ەندى ولار ءبىر-بىرىمەن جالپى اقپارات الماسۋدى كۇشەيتۋ باعىتىندا ءتيىستى ينتەگراتسيانى ىسكە اسىرىپ جاتىر. ياعني، بۇل جۇمىستار الاياقتار نومىرلەرىن انىقتاپ، ولاردى بۇعاتتاۋعا باعىتتالعان. وسى ورايدا ولار الاياقتار پايدالاناتىن نومىرلەردى بۇعاتتاۋدى ۇيرەندى. ءقازىر الاياقتاردىڭ ارەكەتتەرى ازايىپ كەلەدى. دەگەنمەن، بۇل الاياقتاردىڭ ءبىزدىڭ تەلەفون نومىرلەرىمىزدى پايدالانۋى جانە ولاردى شەتەلگە شىعارۋ مۇمكىندىگى ءالى دە بار»، - دەدى ب. مۋسين ماجىلىستەگى ۇكىمەت ساعاتىندا دەپۋتاتتار سۇراعىنا جاۋاپ بەرە وتىرىپ.
وسى ورايدا ول تەلەفون ارقىلى الاياقتىق جاسايتىندارمەن كۇرەس قالاي جۇرەتىنىن ايتتى.
«بۇل جەردە ءبىر sms ارقىلى نەسيە بەرۋ مۇمكىن بولماس ءۇشىن ەكىنشى دەڭگەيلى بانكتەرمەن ماسەلەنى پىسىقتاۋ كەرەك. بۇگىندە نەسيە الۋ وتە وڭاي بولدى. ءبىز ءۇش فاكتورلى سايكەستەندىرۋدى ۇسىنىپ وتىرمىز. ياعني مىندەتتى فورماتتاعى گەومەتريالىق سايكەستەندىرۋ كەرەك. Sms ەكىنشى فاكتور بولسا، ءۇشىنشى فاكتور اياسىندا بارلىق ءراسىم ەلەكتروندىق قولتاڭبامەن بەكىتىلۋى ءتيىس»، - دەدى مينيستر.
