ەلوردانىڭ ءاربىر ءۇشىنشى تۇرعىنى كاسىپكەر
«رەسپۋبليكالىق ەكونوميكالىق الەۋەتىندە استانا قالاسىنىڭ ءرولى ەرەكشە. قالادا ءاربىر ءۇشىنشى تۇرعىن كاسىپكەرلىكپەن اينالىسادى. وسى جىلدىڭ جەلتوقسان ايىنىڭ باسىنداعى مالىمەتتەرگە سايكەس، شاعىن جانە ورتا بيزنەستىڭ 201 سۋبەكتىسى جۇمىس ىستەپ تۇر. ولاردا 444 مىڭنان استام ادام جۇمىس ىستەيدى. بۇل ەكونوميكالىق بەلسەندى قالا تۇرعىندارىنىڭ 71 پايىزىن قۇرايدى. ەگەر بۇرىنىراق ەلوردا مەملەكەتتىك قىزمەتشىلەردىڭ قالاسى بولسا، ال بۇگىنگى استانا - بۇل كاسىپكەرلەر مەن ينۆەستورلاردىڭ قالاسى»، - دەدى ول اكىمدىكتىڭ باسپا ءسوز قىزمەتى الاڭىندا وتكەن بريفينگتە.
ونىڭ ايتۋىنشا، ەلوردا قالانى دامىتۋعا، جاڭا جۇمىس ورىندارىن اشۋعا جانە زاماناۋي ينفراقۇرىلىم سالۋعا قارجى قۇياتىن ينۆەستورلار ءۇشىن اشىق. بۇل رەتتە استانا ءۇشىن جوعارى تەحنولوگيالى جانە يننوۆاتسيالىق ونەركاسىپ ءوندىرىسىن دامىتۋ، كولىك-لوگيستيكالىق كەشەندى كەڭەيتۋ، الەۋمەتتىك سالاداعى جوبالاردى جۇزەگە اسىرۋ باسىمدىققا يە باعىت سانالادى.
«استانا - ەلدىڭ ينۆەستيتسيالىق قاقپاسى، ينۆەستيتسيا مەن ينۆەستورلار ءۇشىن وزىندىك ماگنيت. ءبىز كاپيتال اعىنىن قامتاماسىز ەتۋ ءۇشىن قولايلى جاعداي جاساۋ باعىتىندا بەلسەندى ءارى جوسپارلى جۇمىس ىستەپ جاتىرمىز»، - دەدى ەرلان بەكمىرزايەۆ.
