ەڭبەك مينيسترلىگى ەكىگە بولىنە مە
بۇل ساۋالعا و ك ق- دە وتكەن باسپا ءسوز ءماسليحاتىندا ق ر ەڭبەك جانە حالىقتى الەۋمەتتىك قورعاۋ ۆيتسە-ءمينيسترى ەربول وسپانوۆ جاۋاپ بەردى، دەپ حابارلايدى قازاقپارات ءتىلشىسى.
«قازىر بۇل ماسەلە قارالىپ جاتقان جوق. جالپى حالىقتى ەڭبەكپەن قامتۋ جانە الەۋمەتتىك قورعاۋ ءبىر-بىرىمەن بايلانىستى. مىسالى، جۇمىسشى وندىرىستە جاراقات السا، الدىمەن ونىڭ قۇقىعىن قورعاۋ كەرەك، ەكىنشىدەن دەنساۋلىعىنا قاراي مۇگەدەكتىك مارتەبەسىن تاعايىنداۋ مۇمكىن بولادى. بۇل ءبىر-بىرىمەن تىعىز بايلانىستى پروتسەسس. سوندىقتان حالىقتى ەڭبەكپەن قامتۋ مەن الەۋمەتتىك قورعاۋدىڭ ءبىر ۆەدومستۆودا بولعانى ءتيىمدى دەپ ويلايمىز»، - دەدى ەربول وسپانوۆ ءتىلشى ساۋالىنا.
ەسكە سالساق، بيىل قىركۇيەكتە ق ر پارلامەنتى ءماجىلىسىنىڭ دەپۋتاتى ەرلان سمايىلوۆ ق ر ەڭبەك جانە حالىقتى الەۋمەتتىك قورعاۋ مينيسترلىگىن ەكى ۆەدومستۆوعا ءبولۋ يدەياسىن ۇسىنعان ەدى.
دەپۋتاتتىڭ ايتۋىنشا، اتالعان مينيسترلىك ەڭبەك قۇقىقتارىن قورعاۋ مەن الەۋمەتتىك قورعاۋ سالاسىنداعى ماسەلەلەردى شەشۋگە كەلگەندە مۇلدەم ەنجار.
