ادىلەت مينيسترلىگى جاڭا ساياسي پارتيا تىركەلگەنى جايلى ءوز اقپاراتىن جوققا شىعاردى

«بۇقارالىق اقپارات قۇرالدارىندا «Respublica» پارتياسىن تىركەۋ تۋرالى اقپارات پايدا بولدى. ق ر ادىلەت مينيسترلىگى 24-قاراشادا «Respublica» ساياسي پارتياسىن قۇرۋ نيەتى تۋرالى حابارلامانىڭ كەلىپ تۇسكەنى تۋرالى راستاۋ عانا بەرىلگەنىن ناقتىلايدى. 3-جەلتوقساندا «Respublica» ساياسي پارتياسىن قۇرۋ جونىندەگى ۇيىمداستىرۋ كوميتەتى قۇرىلتاي سەزىن وتكىزدى، تىركەۋگە قۇجاتتار كەلىپ تۇسەدى دەپ كۇتەمىز. ادىلەت مينيسترلىگى باق وكىلدەرىنەن ناقتىلانباعان اقپارات ءۇشىن كەشىرىم سۇرايدى»، - دەپ اتاپ ءوتتى مينيسترلىكتىڭ باسپا ءسوز قىزمەتىنەن.

ايتا كەتەيىك، بۇگىن ادىلەت ءمينيسترى قانات مۋسين پارلامەنت پالاتالارىنىڭ بىرلەسكەن وتىرىسىنان كەيىن ب ا ق وكىلدەرىنىڭ ساۋالىن جاۋاپ بەرە كەلە «Respublica» ساياسي پارتياسىنىڭ رەسمي تىركەلگەنىن ايتقان بولاتىن.