22:44, 15 - جەلتوقسان 2022 | GMT +5
تالدىقورعاندا جەلتوقساندىقتارعا ارنالعان ەسكەرتكىش اشىلادى
تالدىقورعان. قازاقپارات - كەلەسى جىلى تالدىقورعاندا جەلتوقساندىقتارعا ارنالعان ەسكەرتكىش اشىلادى، دەپ حابارلايدى قازاقپارات.
جەتىسۋ وبلىسى اكىمىنىڭ باسپا ءسوز قىزمەتىنىڭ مالىمەتىنشە، ونىڭ ەسكيزىن ازىرلەۋگە جەلتوقساندىقتاردىڭ وزدەرى قاتىسادى، ال قاجەتتى قارجىلاي قولداۋ اكىمدىك تاراپىنان كورسەتىلەدى.
جالپى وڭىردە جەلتوقسان وقيعاسىنا قاتىسقان 74 ازامات تۇرادى.
«تالدىقورعاندا مونۋمەنتتى «جاستار» ساياباعىنا قويۋعا بولادى، ءبىراق ورنى تۋرالى ءالى دە اقىلداسايىق. جەلتوقسان وقيعاسىنا وبەكتيۆتى باعا بەرەتىن دەرەكتى فيلم ءتۇسىرۋ كەرەك، كىتاپ شىعارۋ كەرەك دەپ ەسەپتەيمىن»، - دەدى ايماق باسشىسى بەيبىت يسابايەۆ تاريحي وقيعانىڭ كۋاگەرلەرىمەن كەزدەسۋدە.
