دەپۋتات بۋكمەكەرلىك كەڭسە جارناماسىنىڭ كوبەيىپ بارا جاتقانىن الاڭداۋشىلىق ءبىلدىردى

دەپۋتات بۇل ماسەلە پارلامەنتتە بىرنەشە رەت كوتەرىلگەنىنە نازار اۋداردى. «ويىن بيزنەسى تۋرالى» زاڭدا ەلەكتروندى كازينولار مەن ينتەرنەت- كازينو قىزمەتتەرىنە تىيىم سالىنعان، ال «جارناما تۋرالى» زاڭدا مۇنداي كازينولار مەن ولاردىڭ قىزمەتتەرىنە جارناما جاساۋعا دا رۇقسات ەتىلمەگەن.

سەناتوردىڭ ايتۋىنشا، قازىر زاڭناماعا وسىنداي جارناما ءۇشىن جاۋاپكەرشىلىكتى كۇشەيتەتىن نورمالار ەنگىزۋ ماڭىزدى.

«ويىن اۆتوماتتارى كەز كەلگەن جەرگە قويىلعان، ستاۆكا قابىلداۋ پۋنكتەرى ەركىن جۇمىس ىستەيدى. جارناما سەرىكتەستەرى دە كوبىنە بۋكمەكەرلىك كومپانيالاردى جارنامالاپ، كۇن كورىپ وتىرعاندىقتان، ودان باس تارتپاسى انىق. ءبىراق بەلگىلى ءبىر دەڭگەيدە توقتاۋ سالماسا، قوعامداعى جاعداي ۋشىعىپ بارادى»، - دەدى امانگەلدى تولاميسوۆ.

سەناتور ايتقان دەرەكتەر بويىنشا قازىر ەلىمىزدە ويىن بيزنەسى سالاسىندا جۇمىس ىستەۋگە ليسەنزياسى بار 50 ۇيىم بار. ونىڭ ىشىندە 26 بۋكمەكەرلىك كەڭسە، 6 كازينو، ويىن اۆتوماتى قويىلعان 10 زال، ءباس تىگۋ پۋنكتتەرى (2500 گە جۋىق) جانە 8 توتاليزاتور جۇمىس ىستەيدى.