كەلەسى جىلدان باستاپ ازاپتاۋ فاكتىلەرىن تەك پروكۋرورلار تەرگەيتىن بولادى

ۇيلەستىرۋ كەڭەسىنىڭ جۇمىسىنا قۇقىق قورعاۋ جانە ارناۋلى ورگانداردىڭ، بەيىندى مينيسترلىكتەردىڭ باسشىلارى جانە باسقا دا مۇددەلى ادامدار قاتىستى.

ءبىرىنشى ماسەلە بويىنشا وتىرىستى اشقان قاداعالاۋ ۆەدومستۆوسىنىڭ باسشىسى ەسىرتكى قۇرالدارىنىڭ زاڭسىز اينالىمىنا قارسى ءىس- قيمىل سالاسىندا ءبىرقاتار زاڭنامالىق جانە پراكتيكالىق شارالار قابىلدانعانىن اتاپ ءوتتى.

جاۋاپكەرشىلىك ايتارلىقتاي كۇشەيتىلدى.

2020 -جىلدان باستاپ ەسىرتكىنى ينتەرنەت ارقىلى تۇتىنۋعا جانە وتكىزۋگە كوندىرۋ قىلمىستاردىڭ اۋىر جانە اسا اۋىر قۇرامىنا جاتقىزىلدى. ەسىرتكىنى جارنامالاۋ جانە ناسيحاتتاۋ ءۇشىن قىلمىستىق جاۋاپتىلىق ەنگىزىلدى.

وسى بىرلەسكەن شارالاردىڭ بارلىعى ەسىرتكى قىلمىستىلىعىن تۇراقتاندىرۋعا مۇمكىندىك بەردى.

«ءى ءى م مەن ۇ ق ك بيىلعى جىلدىڭ وزىندە 64 ەسىرتكى زەرتحاناسىن جويدى. شامامەن 13 توننا ەسىرتكى، ونىڭ ىشىندە 33 ك گ گەروين جانە 500 ك گ سينتەتيكا تاركىلەندى. تەك وسى جىلى ەسىرتكى ساتاتىن 1400 سايت بۇعاتتالدى. الايدا الدا ءالى كوپ جۇمىس كۇتىپ تۇر، جاعداي ءالى دە كۇردەلى»، - دەدى بەرىك اسىلوۆ.

وسىعان بايلانىستى قىلمىستىق قۋدالاۋ ورگاندارىنىڭ باسشىلارىنا، وبلىس پروكۋرورلارىنا ۇيىمداسقان توپتاردى، كونتراباندانى، ەسىرتكى زەرتحانالارىن، ەسىرتكى زاتتارىن جەتكىزۋ جانە وتكىزۋ ارنالارىن انىقتاۋعا باعىتتالعان ۆەدومستۆوارالىق ءوزارا ءىس- قيمىلدى كۇشەيتۋ تاپسىرىلدى.

ءوز كەزەگىندە ءى ءى م ەسىرتكىگە قارسى كۇرەس جونىندەگى كەشەندى جوسپاردى ساپالى پىسىقتاۋدى جانە بەكىتۋدى قامتاماسىز ەتۋى قاجەت.

ەكىنشى ماسەلەدە ازاپتاۋلارعا جانە تەرگەۋ مەن انىقتاۋدىڭ باسقا دا رۇقسات ەتىلمەگەن ادىستەرىنە قارسى تۇرۋدىڭ تيىمدىلىگى تالقىلاندى.

باس پروكۋرور پرەزيدەنتتىڭ ازاپتاۋلاردى جويۋ بويىنشا ناقتى مىندەت قويعانىنا نازار اۋداردى. بۇل ءۇشىن ولاردىڭ الدىن الۋ بويىنشا قاجەتتى قۇقىقتىق شارالار قابىلداندى.

قىلمىستىق زاڭنامادا ازاپتاۋلار تۋرالى جەكە باپ كوزدەلگەن جانە جازا كۇشەيتىلگەن.

جاڭا جىلدان باستاپ ازاپتاۋلاردى تەك پروكۋرورلار تەكسەرەتىن بولادى.

باس بوستاندىعىنان ايىرۋ ورىندارىندا سوتتالعانداردىڭ ارىز بەرۋى ءۇشىن تەرمينال ورناتۋ جالعاسىپ جاتىر. كولونيالاردا، تەرگەۋ يزولياتورلارىندا جانە قىلمىستىق قۋدالاۋ ورگاندارىنىڭ قىزمەتتىك ءۇي- جايلارىندا ۇزدىكسىز بەينەباقىلاۋ ەنگىزىلەدى.

وسى جانە باسقا دا شارالاردى حالىقارالىق ساراپشىلار، ونىڭ ىشىندە ب ۇ ۇ ازاپتاۋلارعا قارسى كوميتەتىنىڭ وكىلدەرى وڭ باعالادى.

قازىرگى ۋاقىتتا ازاپتاۋلارعا قارسى ءىس- قيمىل جونىندەگى بىرلەسكەن بۇيرىقتىڭ جوباسى ازىرلەندى، ونىڭ نەگىزگى مىندەتى ازاماتتى ۇستاۋ جانە قىلمىستىق قۋدالاۋ ورگاندارىنا جەتكىزۋ ساتىنەن باستاپ رۇقسات ەتىلمەگەن ادىستەردىڭ الدىن الۋ بولىپ تابىلادى.

سونداي- اق پروتسەستىك مارتەبەسى جوق اداممەن كەلىسسوزدەر، اڭگىمەلەر، ساۋالنامالار جۇرگىزۋگە تىيىم سالىنادى. ازاپتاۋلاردى قولدانۋ شارتتارىن جويۋعا مۇمكىندىك بەرەتىن باسقا دا شارالار كوزدەلگەن.

بەرىك اسىلوۆ ازاپتاۋلاردىڭ جۇيەلى پروبلەمالارىنا، سەبەپتەرى مەن شارتتارىنا، سونداي- اق ولاردى بارلىق قۇقىق قورعاۋ جانە مەملەكەتتىك ورگاندارمەن ءوزارا ءىس- قيمىلدا جويۋ قاجەتتىگىنە نازار اۋداردى.

ءى ءى م- گە ءوز ەركىمەن ۇستاۋعا نەگىز بولاتىن ىشكى نورماتيۆتىك اكتىلەرگە ريەۆيزيا جۇرگىزۋ جانە ولاردى حالىقارالىق تالاپتارعا سايكەس كەلتىرۋ تاپسىرىلدى.

سونىمەن قاتار، «قۇقىق قورعاۋ قىزمەتى تۋرالى» زاڭنىڭ 80-بابىن مۇلتىكسىز ورىنداۋ قاجەتتىگى اتاپ ءوتىلدى، وعان سايكەس قىزمەتكەرلەرى ازاپتاۋعا نەمەسە ازاماتتاردىڭ كونستيتۋتسيالىق قۇقىقتارىن جۇيەلى تۇردە بۇزعان باسشىلار قىزمەتىنەن بوساتىلۋعا جاتادى.

قورىتىندىلاي كەلە، قاداعالاۋ ورگانىنىڭ باسشىسى وبلىس پروكۋرورلارىنان ادام قۇقىقتارى جونىندەگى ۋاكىلدىڭ جاڭادان قۇرىلعان وڭىرلىك وكىلدەرىمەن، قۇقىق قورعاۋ ۇيىمدارىمەن جانە زاڭ قوعامداستىعىمەن ءوزارا ءىس- قيمىل ورناتۋدى تالاپ ەتتى.