رۋلى وڭ جاقتاعى كولىكتەردىڭ كەسىرىنەن بولعان اپاتتار سونشالىق كوپ ەمەس – ءى ءى م
«جالپى، بۇگىنگى كەزدە قازاقستان رەسپۋبليكاسىندا زاڭداستىرۋعا جاتاتىن اۆتوكولىكتەردىڭ سانى 300 مىڭنان اسادى. سونىڭ ىشىندە رۋلى وڭ جاقتاعى كولىكتەردىڭ سانى 20 مىڭنان اسادى»، - دەگەن ءى ءى م وكىلى پرەزيدەنت تاپسىرماسى اياسىندا مۇنداي كولىكتەردى تىركەۋگە ءبىر رەتتىك مۇمكىندىك ۇسىنىلىپ وتىرعانىن ەسكەرتتى.
ايتۋىنشا، وڭ رۋلدى كولىكتەرگە بايلانىستى شەشىم شىعارۋ ءۇشىن ارنايى زەردەلەۋ جۇمىستارى جۇرگىزىلگەن.
«ارينە، ءرۋلى وڭ جاقتاعى اۆتوكولىكتەر جۇرگىزۋشىلەرىنىڭ جول ءجۇرۋ قاۋىپسىزدىگىن ساقتاۋىندا ءبىراز ماسەلە بار. ونداي كولىك اكەلگەندەر دە قازاقستاننىڭ ازاماتى، ءبىزدىڭ حالىق قوي. ولار كوبىنە قارجىلاي جاعدايى ءماز بولىپ تۇرعان ادامدار ەمەس. ونداي كولىكتى تاپشىلىقتىڭ سالدارىنان اكەلىپ وتىر. تاكسي رەتىندە پايدالانىپ، وتباسىن سول كولىكپەن اسىرايدى. سوندىقتان، سول كىسىلەردىڭ جاعدايىنا تۇسىنىستىكپەن قاراپ، ءبىر مەزگىلدىك رۇقسات بەرىلەيىن دەپ وتىر. ال ەندى، قاۋىپسىزدىك جاعىنا كەلەتىن بولساق، جول اپاتتارىن زەردەلەگەنىمىزدە، ولاردىڭ بۇگىنگى تاڭدا ءبىرشاما پايىز ۇلەسى بار. ءبىراق، ءدال سولاردىڭ كىناسىنەن بولىپ جاتقان جول اپاتتارى سونداي كوپ دەپ ايتا المايمىن»، - دەدى قايسار سۇلتانبايەۆ.
