شىعىس قازاقستاندا قار كوشكىنى ءتۇسىرىلدى
ش ق و توتەنشە جاعدايلار دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، قار كوشكىنىنىڭ الدىن الۋ شاراسى «وسكەمەن- تاۋلى ءۇلبى- سيەۆەرنوە» تاسجولىنداعى ۋچاسكەلەردىڭ بىرىندە جۇرگىزىلدى.
تاسجولدىڭ بويىندا قار 48 دەن 60 س م- گە دەيىن جينالعان. قاۋىپسىزدىكتى قامتاماسىز ەتۋ ماقساتىندا «قازسەلدەنقورعاۋ» ش ق فيليالىنىڭ ماماندارى تاراپىنان جارىلىس جاسالىپ، قار ءتۇسىرىلدى.
«الداعى مەرەكەلەردە ادامدار ەلدى مەكەندەرىنىڭ اۋماعىنان تىس جەرلەرگە، اسىرەسە دەمالىس بازالارىنا بارادى. سوندىقتان قار كوشكىنى قاۋپى بار ۋچاسكەلەردە پروفيلاكتيكالىق شارالاردى جۇرگىزۋدىڭ ماڭىزدىلىعى زور»، - دەيدى فيليال ديرەكتورى ومار دۇزگىمبايەۆ.
2 جارىلىس ناتيجەسىندە بارلىعى 13400 تەكشە مەتر قار ماسساسى تۇسىرىلگەن. وڭىردەگى تاۋلى جەرلەردە اپتا سوڭىنا دەيىن قار كوشكىنى ءجۇرۋ قاۋپى ساقتالادى.
