ەلوردانىڭ جاڭا اۋدانىنا «نۇرا» اتاۋىن بەرۋ ۇسىنىلدى
جيىندا العاش بولىپ بايانداما جاساعان تىلدەردى دامىتۋ جانە ارحيۆ ءىسى باسقارماسىنىڭ باسشىسى ساكەن ەسىركەپ ونوماستيكا كوميسسياسىنىڭ قورىتىندىسىن جاريالادى. اتاپ ايتقاندا، بۇعان دەيىنگى تالقىلاۋلار مەن ۇسىنىستار نەگىزىندە استانا اۋماعانان قۇرىلاتىن جاڭا اۋدانعا «نۇرا» اتاۋىن بەرۋ ۇسىنىلدى.
«بەسىنشى اۋدان قۇرىلاتىنى بەلگىلى بولعان ساتتەن باستاپ، عالىمدار، زيالى قاۋىم وكىلدەرى جانە اعا بۋىنمەن بىرنەشە رەت كەزدەسۋلەر وتكىزدىك. وندا توپونيميكاعا بايلانىستى ءتۇرلى تاقىرىپتار مەن ۇسىنىستار ايتىلدى، تالقىلاندى. ۇسىنىستاردى تالقىلاي كەلە، ونىڭ ەكەۋىن ونوماستيكالىق كوميسسيانىڭ قاراۋىنا بەردىك. جيىندا ورتاق پىكىرگە كەلىپ، جاڭا اۋدانعا نۇرا اتاۋىن بەرۋ تۋرالى ۇسىنىس ماقۇلداندى. سىزدەرگە دە وسى ۇسىنىسپەن كەلىپ تۇرمىز»، - دەدى ساكەن ەسىركەپ.
دەپۋتاتتار بۇل باستامانى ءماسليحاتتىڭ كەزەكتەن تىس سەسسياسىندا قاراۋ تۋرالى شەشىم قابىلدادى. تيىسىنشە، اتاۋدى ناقتى بەكىتۋ نەمەسە وعان وزگەرىس ەنگىزۋدى ماقۇلداۋ الداعى وتىرىستاردا تالقىلانادى.
اۆتور
ءاليحان اسقار
