كەلەر جىلدان باستاپ تەمەكى باعاسى قىمباتتاۋى مۇمكىن
بۇل تۋرالى قارجى مينيسترلىگىنە قاراستى مەملەكەتتىك كىرىستەر كوميتەتىنىڭ اشىق تالقىعا شىعارعان بۇيىرىعىندا جازىلعان، دەپ حابارلايدى قازاقپارات ءتىلشىسى.
«فيلترلى، فيلترسىز 20 سيگارەتكە، پاپيروستارعا، سيگاريللالارعا جانە قىزدىرىلاتىن تەمەكىسى بار بۇيىمدارعا 2023-جىلعى 1- قاڭتاردان باستاپ 650 تەڭگە مولشەرىندە ەڭ تومەنگى بولشەك ساۋدا باعاسى بەلگىلەنسىن.
ەڭ تومەنگى بولشەك ساۋدا باعالارىن ۇلعايتۋ «اتامەكەن» ۇلتتىق كاسىپكەرلەر پالاتاسىنىڭ باستاماسىنا سايكەس، لوگيستيكالىق ىركىلىستەردىڭ تاۋەكەلدەرىن ازايتۋ ماقساتىندا ۇسىنىلادى»، - دەلىنگەن قۇجاتتا.
ايتا كەتەيىك، بۇعان دەيىنگى ءتيىستى بۇيرىقتا كەلەر جىلدىڭ باسىنان تەمەكى بۇيىمدارىنىڭ ەڭ تومەنگى باعاسى 630 تەڭگە بولاتىنى كورسەتىلگەن. ەندى ۇسىنىلىپ وتىرعان وزگەرىسكە ساي، شەكتى قۇن 20 تەڭگەگە قىمباتتاماق.
