شاحتەرلەردىڭ زەينەت جاسىن تومەندەتۋ ماسەلەسى قارالادى - ەڭبەك ءمينيسترى
«قازىر ارنايى جۇمىس توبى قۇرامىندا ۇلتتىق بانك، قارجى نارىعىن رەتتەۋ اگەنتتىگىنىڭ جانە زياندى وندىرىستەردەگى كاسىپوداقتار وكىلدەرى قامتىلعان. شاحتەرلەر زەينەت جاسىن تومەندەتۋ ماسەلەسىن كوتەرىپ وتىر. زەينەت جاسىن تومەندەتۋگە بولادى. ءبىراق، زەينەتاقىنىڭ كولەمى قانداي بولادى؟ نەگىزگى ماسەلە وسى عوي؟ ! ەرتەڭ ول ادام 50 جاستا زەينەتكە شىعىپ، زەينەتاقىسى تومەن بولسا، وندا قايتادان ماسەلە تۋىندايتىنى انىق. سوندىقتان، زەينەتاقى كولەمىن وسىرۋگە نازار اۋدارۋ كەرەك بولادى»، - دەدى ت. دۇيسەنوۆا ماجىلىستە تىلشىلەر سۇراعىنا جاۋاپ بەرە وتىرىپ.
سونىمان قاتار، مينيستر ساقتاندىرۋ ماسەلەسى دە پىسىقتالاتىنىن ايتتى.
«جالپى، وسى ءۇش- ءتورت باعىتتىڭ اياسىندا زەينەت جاسىن دا، زەينەتاقى مولشەرىن دە دۇرىس ايقىنداۋ ماسەلەسىن شەشۋگە تىرىسامىز»، - دەدى ۆەدومستۆو باسشىسى.
بۇدان بۇرىن حابارلانعانداي، تامارا دۇيسەنوۆا كوممۋنالدىق كاسىپورىن جۇمىسشىلارىنىڭ جالاقىسىنا قاتىستى پىكىر ءبىلدىردى.
