سەنات دەپۋتاتتىعىنا كانديداتتارعا «قازاقپارات» ح ا ا-نىڭ ينتەرنەت الاڭىن بەرۋ شارتتارى

«قازاقستان رەسپۋبليكاسى پرەزيدەنتىنىڭ تەلەراديوكەشەنى» ك ە ا ق (بۇدان ءارى- قوعام) - «Jibek Joly» تەلەارناسىنىڭ (بۇدان ءارى- تەلەارنا) مەنشىك يەسى «قازاقستان رەسپۋبليكاسىنداعى سايلاۋ تۋرالى» 28.09.1995 -جىلعى قازاقستان رەسپۋبليكاسىنىڭ كونستيتۋتسيالىق زاڭىنا سايكەس، سايلاۋ الدىنداعى ۇگىت ماتەريالدارىن (بۇدان ءارى - ۇگىت ماتەريالدارى) ورنالاستىرۋ ءۇشىن تەلەارنادا ەفير ۋاقىتىن بەرۋدىڭ تولەم مولشەرى، شارتتارى مەن ءتارتىبى تۋرالى حابارلايدى.

سايلاۋ الدىنداعى ۇگىت قازاقستان رەسپۋبليكاسى پارلامەنتى سەناتىنىڭ دەپۋتاتتىعىنا كانديداتتاردى تىركەۋ مەرزىمى اياقتالعان ساتتەن باستالادى جانە سايلاۋ كۇنىنىڭ الدىنداعى كۇننىڭ جەرگىلىكتى ۋاقىتى بويىنشا ءنول ساعاتتا اياقتالادى، وسىلايشا، ۇگىت ماتەريالدارىن تەلەارنا ەفيرىندە ورنالاستىرۋ 2022 -جىلعى 24-جەلتوقسان ساعات 18.00-دەن 2023 -جىلعى 13-قاڭتار ساعات 00.00-گە دەيىن جۇزەگە اسىرىلادى.

تەلەارنا قوعام مەن پارلامەنت سەناتىنىڭ دەپۋتاتتىعىنا كانديدات (بۇدان ءارى - كانديدات) اراسىندا نەمەسە كانديداتتىڭ ۋاكىلەتتى وكىلىمەن جاسالاتىن جازباشا شارت نەگىزىندە ەفير ۋاقىتىن بەرەدى. ەفير ۋاقىتى قولدا بار تەحنيكالىق مۇمكىندىكتەردى ەسكەرە وتىرىپ بەرىلەدى.

كانديداتتىڭ نە ونىڭ ۋاكىلەتتى وكىلىنىڭ قوعام باسشىسىنىڭ اتىنا جازباشا ءوتىنىشى ەفير ۋاقىتىن بەرۋ تۋرالى شارت جاساسۋ ءۇشىن نەگىز بولىپ تابىلادى. ۇگىت ماتەريالدارىنىڭ سانى، حرونومەتراجى، ەفيردە ورنالاستىرۋدىڭ بولجامدى كۇنى مەن ۋاقىتى كانديداتتىڭ نە ونىڭ ۋاكىلەتتى وكىلىنىڭ جازباشا وتىنىشىندە كورسەتىلەدى، سودان كەيىن ولار شارت تالاپتارىمەن بەكىتىلەدى.

ءوتىنىش كانديداتتاردىڭ وتىنىشتەرىن تىركەۋ جۋرنالىندا كەزەكتىلىك تارتىبىمەن ءاربىر جازباشا وتىنىشكە رەتتىك ءنومىرى مەن كەلىپ تۇسكەن كۇنىن بەرۋ ارقىلى تىركەلەدى.

جازباشا وتىنىشكە كەلەسىدەي قۇجاتتار قوسا بەرىلۋگە ءتيىس:

1) كانديداتتىڭ تىركەلگەنىن راستايتىن قۇجات كوشىرمەسى؛

2) كانديدات وكىلىنىڭ وكىلەتتىگىن راستايتىن قۇجات كوشىرمەسى؛

3) ءوتىنىش بەرۋشى تۇلعانىڭ جەكە كۋالىگىنىڭ كوشىرمەسى؛

4) شارت جاساسۋ ءۇشىن تۇلعانىڭ وكىلەتتىگىن راستايتىن قۇجاتتار.

تەلەارنا ەفيرىندە كانديداتتاردىڭ ماتەريالدارىن ورنالاستىرۋ كەزەكتىلىگى جازباشا وتىنىشتەردىڭ كەلىپ ءتۇسۋ تارتىبىمەن نە ەگەر وتىنىشتەر ءبىر مەزگىلدە كەلىپ تۇسكەن جاعدايدا جەرەبە بويىنشا بەلگىلەنەدى. جەرەبەنى وتكىزۋ ءتارتىبى مەن شارتتارىن قوعام ايقىندايدى.

ەگەر جازباشا ءوتىنىش كەلىپ تۇسكەن ساتكە بۇرىن جۇگىنگەن باسقا كانديداتقا سۇراۋ سالىنعان ۋاقىت بەرىلسە نە تەحنيكالىق مۇمكىندىكتەرى بويىنشا بەرىلمەسە، قوعام كانديداتقا تەلەارنانىڭ تەحنيكالىق مۇمكىندىكتەرىن ەسكەرە وتىرىپ، ۇگىت ماتەريالدارىن ورنالاستىرۋ ءۇشىن وزگە دە ۋاقىت ۇسىنادى.

ۇگىت ماتەريالدارى كەلەسى تالاپتارعا ساي بولۋى كەرەك: MPEG-2 كودەگى، Chroma 422, بيترەيت 50 مبيت/سەك، 25 كادر / سەك، سىيىمدىلىعى 1920*1080، interlaced جازىلۋ ءتۇرى، الاڭداردى قۇرۋ ءتارتىبى- جوعارعى الاڭ ءبىرىنشى (topfieldfirst) ، كادر اراقاتىناسى 16: 9؛ اۋديو: PCM، WAV، 24 بيت فورماتى، 48 kHz، دەڭگەي -12 د ب، ماتەريالدىڭ سوڭعى نۇسقاسىنداعى دىبىس 1-ستەرەو ارنانىڭ سول جاق جولىنا جينالۋى كەرەك، بىردەي وڭ جولدى (جالعان ستەرەو) پايدالانۋعا رۇقسات ەتىلەدى. بەينە جانە اۋديو MXF OP-1a كونتەينەرىندە بولۋى كەرەك. بەينەماتەريالدار سىرتقى تاسىمالداعىشتاردا (قاتتى ديسك، فلەش-كارتا) ۇسىنىلادى.

بەينەتاسپامەن ءبىر مەزگىلدە ەفير ۋاقىتىن بەرۋ تۋرالى شارتقا قول قويۋعا ۋاكىلەتتىك بەرىلگەن تۇلعا قول قويعان ۇگىت ماتەريالىنىڭ مازمۇنى بولىپ تابىلاتىن ءماتىننىڭ تولىق جازىلۋى، بەينەلەرى ۇگىت ماتەريالدارىندا پايدالانىلعان ادامداردىڭ جازباشا رۇقساتتارى، ال ولار قايتىس بولعان جاعدايدا مۇراگەرلەردىڭ جازباشا رۇقساتتارى، جارنامالىق ماتەريالداردا كامەلەتكە تولماعان بالالاردىڭ بەينەلەرى پايدالانىلعاندا اتا- انالارىنىڭ قامقورشىلاردىڭ، دەمەۋشىلەردىڭ جازباشا رۇقساتتارى ۇسىنىلادى.

ۇگىت ماتەريالدارىندا ولاردىڭ تولەمى، قارجىلاندىرۋ كوزدەرى تۋرالى دىبىستىق نەمەسە كورنەكى اقپارات بولۋعا ءتيىس.

ۇگىت ماتەريالدارىن ۇسىنعان كانديداتتار ولاردىڭ مازمۇنىنىڭ قازاقستان رەسپۋبليكاسى زاڭناماسىنىڭ تالاپتارىنا، ونىڭ ىشىندە اۆتورلىق جانە ساباقتاس قۇقىقتار سالاسىنداعى تالاپتارعا سايكەستىگى ءۇشىن دەربەس جاۋاپتى بولادى.

وسى اقپاراتتىق حابارلامادا كورسەتىلگەن تالاپتار مەن ءتارتىپ، سونداي-اق ءتيىستى شارتتىڭ تالاپتارى بۇزىلعان جاعدايدا ۇگىت ماتەريالدارىنىڭ ەفيرىنە حابارلاما جۇرگىزىلمەيدى نە بۇزۋشىلىق جويىلعانعا دەيىن توقتاتىلا تۇرادى.

قوعام ەگەر كونستيتۋتسيالىق قۇرىلىستى كۇشتەپ وزگەرتۋ، رەسپۋبليكانىڭ تۇتاستىعىن بۇزۋ، مەملەكەت قاۋىپسىزدىگىنە نۇقسان كەلتىرۋ، الەۋمەتتىك، ناسىلدىك، ۇلتتىق، ءدىني، تەكتىك- توپتىق جانە رۋلىق ارازدىقتى قوزدىرۋ، قاتىگەزدىك پەن زورلىق- زومبىلىققا تابىنۋ، سونداي- اق زاڭنامادا كوزدەلمەگەن اسكەريلەندىرىلگەن قۇرىلىمدار قۇرۋ يدەيالارى بولسا ۇگىت ماتەريالدارىن ەفيرگە شىعارۋدان باس تارتادى.

قوعام قازاقستان رەسپۋبليكاسى پارلامەنتى سەناتىنىڭ دەپۋتاتتىعىنا باسقا دا كانديداتتاردىڭ ار- نامىسىنا، قادىر- قاسيەتىنە نەمەسە ىسكەرلىك بەدەلىنە نۇقسان كەلتىرۋگە قابىلەتتى اقپارات بولعان جاعدايدا ۇگىت ماتەريالدارىن ەفيرگە شىعارۋدان باس تارتۋعا قۇقىلى.

وسى اقپاراتتىق حابارلامادا كورسەتىلگەن ەفير ۋاقىتى مەن ينتەرنەت الاڭدارىن بەرۋ شارتتارى مەن ءتارتىبى قازاقستان رەسپۋبليكاسىنىڭ ۋاكىلەتتى ورگاندارىنىڭ تالاپتارىنا سايكەس تۇزەتىلۋى مۇمكىن.

جازباشا وتىنىشتەردى تەلەارنا مەنشىك يەسى 2022 -جىلعى 21-جەلتوقساننان باستاپ 2023 -جىلعى 11-قاڭتاردى قوسا العاندا، دەمالىس جانە مەرەكە كۇندەرىن قوسپاعاندا، استانا قالاسى، اقمەشىت كوشەسى 3، Parkline ب و، 2-قابات، 206-كەڭسە مەكەن جايى بويىنشا 10 ساعات 00 مينۋتتان 18 ساعات 00 مينۋتقا دەيىن قابىلدايدى، تەلەفوندارى 87172954059.

فاكسيميلدى جانە ينتەرنەت بايلانىسى ارقىلى جازباشا وتىنىشتەر قابىلدانبايدى.