قازاقستاندا شۆەيتساريالىق تەحنولوگيامەن ۆاگوندار قۇراستىرىلاتىن بولدى

شارتتار 2021 -جىلعى 29- قاراشادا مەملەكەت باسشىسىنىڭ شۆەيتسارياعا رەسمي ساپارى كەزىندە قول قويىلعان كومپانيالار اراسىنداعى ستراتەگيالىق ىنتىماقتاستىق تۋرالى كەلىسىمدى ىسكە اسىرۋ شەڭبەرىندە جاسالدى.

Stadler كومپانياسى 2023 -جىلدان باستاپ 2030 -جىلدى قوسا العانداعى كەزەڭدە «ق ت ج» ۇ ك» ا ق توبى ءۇشىن 537 جولاۋشىلار ۆاگونىن قۇراستىرۋدى ۇيىمداستىرۋ ءۇشىن زاۋىتتىڭ وندىرىستىك الاڭى مەن جابدىقتارىن جاڭعىرتۋدى جوسپارلاپ وتىر.

«ق ت ج» ۇ ك» ا ق مەن Stadler كومپانياسى ىنتىماقتاستىعىن ىسكە اسىرۋدىڭ قورىتىندىسىندا جولاۋشىلار ۆاگون پاركىنىڭ تەحنيكالىق جاي- كۇيىن ەداۋىر جاقسارتۋ، جولاۋشىلار قاۋىپسىزدىگى مەن جايلىلىعىن ارتتىرۋ بولادى.

ايتا كەتەيىك، Stadler كومپانياسى جوعارى ساپا دەڭگەيىمەن، زاماناۋي جابدىقتاردىڭ بولۋىمەن جانە بىرەگەي نوۋ- حاۋ تەحنولوگيالارىمەن ەرەكشەلەنەتىن تەمىرجول جىلجىمالى قۇرامىنىڭ ءىرى ەۋروپالىق ءوندىرۋشىسى بولىپ تابىلادى.

شۆەيتساريالىق كومپانيانىڭ جىلجىمالى قۇرامدارى 45 ەلدە، سونىڭ ىشىندە قىستىڭ قاتال اۋا رايىمەن ەرەكشەلەنەتىن سكانديناۆيالىق ەلدەردە پايدالانىلىپ كەلەدى، ويتكەنى ولار اۋامەن جىلىتىلادى جانە قوسىمشا جىلىتقىشتارمەن اۋا باپتايدى، ديزەلمەن جانە ەلەكترمەن جۇمىس ىستەيدى.