كەلەر جىلدان باستاپ ەڭ تومەنگى جالاقى قانشا تەڭگە بولاتىنى بەلگىلى بولدى
ۇكىمەت وتىرىسىندا ۇلتتىق ەكونوميكا ءمينيسترىنىڭ ءبىرىنشى ورىنباسارى تيمۋر جاقسىلىقوۆ ايتتى، دەپ حابارلايدى قازاقپارات ءتىلشىسى.
«تاريفتىك ساياساتتى رەفورمالاۋ ءۇشىن «تاريفتى ينۆەستيتسياعا ايىرباستاۋ» باستاماسى پىسىقتالۋدا. ول سالاعا جاڭا ينۆەستيتسيالاردى ىنتالاندىرۋ ارقىلى كوممۋنالدىق ينفراقۇرىلىمدى جاڭارتۋدى كوزدەيدى. جەلىلەردىڭ توزۋىنىڭ %20 كە دەيىن تومەندەتۋ كورسەتكىشىنە 2029 -جىلعا قاراي قول جەتكىزۋ جوسپارلانۋدا.
جاڭا تاريفتىك ساياساتتىڭ تاسىلدەرىنە كوشۋدى قامتاماسىز ەتۋ ءتيىستى جول كارتاسى شەڭبەرىندە ىسكە اسىرىلاتىن بولادى.
قازىرگى ۋاقىتتا كوممۋنالدىق جەلىلەردى جاڭعىرتۋ ماقساتىندا ينۆەستيتسيالار كولەمىن ۇلعايتۋ ءۇشىن تابيعي مونوپوليالار تۋرالى زاڭناماعا وزگەرىستەر ازىرلەنۋدە»، - دەدى ءبىرىنشى ۆيتسە- مينيستر.
سونداي-اق، ول حالىقتىڭ تابىسىن ارتتىرۋدىڭ 2025 -جىلعا دەيىنگى باعدارلاماسى وزەكتەندىرىلىپ جاتقانىن ەسكە سالدى.
«بيىل ينفلياتسيانىڭ جوعارى دەڭگەيى حالىقتىڭ تابىسىنا تەرىس اسەرىن تيگىزۋدە. بۇعان قوسا، 2023 -جىلعى 1-قاڭتاردان باستاپ ەڭ تومەنگى جالاقى مولشەرى 70 مىڭ تەڭگەگە دەيىن وسىرىلەدى. وسى جانە دە باسقا وزگەرىستەردى ەسكەرە وتىرىپ، الداعى ۋاقىتتا باعدارلامانى وزەكتەندىرۋ ءۇشىن جاڭا تاسىلدەر مەملەكەتتىك ورگاندارمەن پىسىقتالۋدا»، - دەدى تيمۋر جاقسىلىقوۆ.
