ۇلتتىق قوردان بالا شوتىنا اۋدارىلاتىن اقشانىڭ ءبىرىڭعاي وپەراتورى بەلگىلەندى

بۇل تۋرالى ۇكىمەت وتىرىسىندا ۇلتتىق ەكونوميكا ءمينيسترىنىڭ ءبىرىنشى ورىنباسارى تيمۋر جاقسىلىقوۆا ءمالىم ەتتى، دەپ حابارلايدى قازاقپارات ءتىلشىسى.

«ۇلتتىق قور - بالالار ءۇشىن» باستاماسىن 2024 -جىلدان باستاپ ىسكە قوسۋ تاسىلدەرى ازىرلەنۋدە. 18 جاسقا دەيىنگى بارلىق بالالارعا جەكە جيناقتاۋشى شوتتار اشىلادى، ولارعا جىل سايىن قاراجات تۇسەتىن بولادى. شوت وپەراتورى رەتىندە «ءبىرىڭعاي جيناقتاۋشى زەينەتاقى قورى» انىقتالدى.

جيناقتالعان قاراجات كامەلەتكە تولعان كەزدە عانا پايدالانۋعا قولجەتىمدى بولادى.

كەلەسى جىلى جوبانى ىسكە قوسۋ ءۇشىن قاجەتتى زاڭنامالىق وزگەرىستەر قابىلداۋ جوسپارلانۋدا.

اۋىلدىق اۋماقتاردى دامىتۋدىڭ 2023-2027 -جىلدارعا ارنالعان تۇجىرىمداماسىن ازىرلەۋ بويىنشا جۇمىس جۇرگىزىلۋدە. ونى 2023 -جىلعى ناۋرىزدىڭ سوڭىنا دەيىن قابىلداۋ جوسپارلانىپ وتىر.

تۇجىرىمدامانىڭ نەگىزگى ماقساتى - اۋىل حالقىنىڭ ءومىر ءسۇرۋ ساپاسىن ارتتىرۋ جانە ولار ءۇشىن جايلى ءومىر ءسۇرۋ ورتاسىن قۇرۋ. بۇل ءۇشىن ينستيتۋتسيونالدىق قامتاماسىز ەتۋدى دامىتۋ ارقىلى اۋىلدىق ساياسات تاسىلدەرىنىڭ تيىمدىلىگى ارتتىرىلادى.

قازىرگى ۋاقىتتا تۇجىرىمدامانىڭ جۇمىس جوباسى جەرگىلىكتى اتقارۋشى ورگاندارمەن تالقىلانۋدا»، - دەدى ءبىرىنشى ۆيتسە- مينيستر.

ونىڭ ايتۋنىشا، كاسىپكەرلىك كودەكسكە ينۆەستيتسيالار تۋرالى كەلىسىم جاساسۋ پروتسەسىن جەڭىلدەتۋ ءۇشىن تۇزەتۋلەر ازىرلەندى.

«ءتيىستى زاڭ جوباسى پارلامەنت سەناتىنىڭ قاراۋىندا. اتاپ ايتقاندا، باسىم قىزمەت تۇرلەرىنىڭ تىزبەسىنەن تىيىم سالىنعان تىزىمگە كوشۋ ارقىلى ينۆەستيتسيالار تۋرالى كەلىسىمدەردىڭ قولدانۋ اياسى كەڭەيتىلەدى.

ينۆەستورلاردىڭ شىعىندارىن ازايتۋ جانە ينۆەستيتسيالىق شەشىمدەر قابىلداۋدى جەدەلدەتۋ ءۇشىن «ready-built factory» ءتيپى بويىنشا دايىن وندىرىستىك الاڭداردى ۇسىنۋ باعىتىندا جۇمىس جۇرگىزىلۋدە»، - دەدى تيمۋر جاقسىلىقوۆ.

اۆتور

ەسىمجان ناقتىباي