يراندا تاعى ءبىر فۋتبولشى ءولىم جازاسىنا كەسىلدى

يراننىڭ تەبريز قالاسىنىڭ «تراكتور» كلۋبىنىڭ بۇرىنعى فۋتبولشىسى امير ناسر ازاداني قارسىلىق قوزعالىسىنا قاتىسقانى ءۇشىن ءولىم جازاسىنا كەسىلدى. بۇل تۋرالى ازەربايجاننىڭ Oxy.az سايتى حابارلادى.

تەبريز كلۋبىنىڭ باسپا ءسوز حاتشىسى Twitter- دە نارازىلىق اكسياسىنا قاتىسقانى ءۇشىن 26 جاستاعى جارتىلاي قورعاۋشىنىڭ ومىرىنە قاۋىپ ءتونىپ تۇرعانىن جازدى. يراننىڭ رەۆوليۋتسيالىق سوتى وعان نارازىلىق قوزعالىسىنا قاتىسقان العاشقى 11 بەلسەندىنىڭ قاتارىندا ءولىم جازاسىن بەردى. بۇدان ەكى كۇن بۇرىن ولاردىڭ ءبىرىنشىسى دارعا اسىلىپ، ۇكىمنىڭ ورىندالۋى باستالىپ كەتتى.

امير ناسر ازاداني سوڭعى رەت فۋتبولشى جەيدەسىن 2021 -جىلى «يراندجاۆان» كومانداسى ساپىندا كيدى.

تاعى ءبىر ايتا كەتەتىن نارسە، تەبريز - يرانداعى شىعىس ازەربايجان پروۆينسياسىنىڭ قالاسى. بۇدان باسقا، بۇل ەلدە باتىس ازەربايجان پروۆينسياسى - ۋرميا قالاسى دا بار. ال امير ناسر ازاداني - ۇلتى ازەربايجان فۋتبولشى. ول - وسى ەلدەگى 20-30 ميلليون شاماسىنداعى ازەربايجان حالقىنىڭ وكىلى.