ناسا «وريون» كاپسۋلاسىن سىناقتان ءساتتى وتكىزدى

ەكيپاجسىز تەستىلىك عارىش كەمەسى تىنىق مۇحيتىنا مەكسيكانىڭ گۆادەلۋپا ارالىنا جاقىن جەرگە ءساتتى قوندى.

اي وربيتاسىنان قايتىپ كەلە جاتىپ، عارىش كەمەسى وتە جوعارى جىلدامدىقپەن شامامەن 40 مىڭ كم/ساع- پەن ۇشتى.

اتموسفەرامەن بايلانىستا بولعان كەزدە عارىش كەمەسىنىڭ قاپتاماسى سەلسي بويىنشا 3 مىڭ گرادۋسقا جەتتى.

اشىلعان 11 كاپسۋلا پاراشيۋتى «وريوننىڭ» جىلۋ قالقانى جاقسى جۇمىس ىستەگەنىن كورسەتەدى.

NASA وكىلدەرى جەكسەنبىدە «وريوننىڭ» جەرگە ورالۋىن ءبىرىنشى كەزەكتەگى مىندەت دەپ اتادى.

بۇل 2024-جىلدىڭ سوڭىندا باستالاتىن جانە اي بەتىنە ساياحاتتى قامتيتىن كۇردەلى ميسسيالاردى باستايدى.

سوڭعى رەت مۇنداي ساپاردى 50 جىل بۇرىن «اپوللون-17» ەكيپاجى جاساعان. اگەنتتىكتىڭ جاڭا جوباسى گرەك ميفولوگياسىنداعى اپوللوننىڭ اپكەسىنىڭ قۇرمەتىنە «ارتەميدا» دەپ اتالدى.

NASA اكىمشىسى بيلل نەلسون عارىش اگەنتتىگى ايعا ورالىپ، سودان كەيىن عارىشقا زەرتتەۋ جۇرگىزۋ ءۇشىن ساپار شەگەتىنىن حابارلادى.

اگەنتتىك 2030-جىلداردىڭ سوڭىندا استروناۆتاردى مارسقا ۇشىرۋدى جوسپارلاپ وتىر.