كونستيتۋتسياسى جوق مەملەكەتتەر: كونستيتۋتسيا تۋرالى قىزىق دەرەكتەر

الەمنىڭ بارلىق دەرلىك ەلدەرىندە بۇل زاڭ بولعانىمەن، ءبىراق كونستيتۋتسياسى جوق مەملەكەتتەر دە بار ەكەن.

الەمدە مۇنداي جەتى ەل بار. بۇلار:

1. ۇلى بريتانيا

2. كانادا

3. جاڭا زەلانديا

4. شۆەتسيا

5. سان-مارينو

6. يزرايل

7. ليۆيا

ناقتىراق ايتساق، بۇل ەلدەردىڭ كوديفيكاتسيالانباعان كونستيتۋتسياسى بار. كوديفيكاتسيالانباعان كونستيتۋتسيا - بۇل ناقتى دوكترينالاردىڭ، قۇقىقتىق ادەت-عۇرىپتاردىڭ جانە سوت پرەتسەدەنتتەرىنىڭ جيىنتىعى.

ال قاراپايىم كونستيتۋتسيا كوديفيكاتسيالانعان. ونىڭ ايرىقشا ەرەكشەلىگى - اۋدان، وبلىس جانە فەدەراتسيالاردىڭ ايماقتىق زاڭدارىنا قاراماستان رەسپۋبليكانىڭ بارلىق اۋماعىندا بىردەي باسىمدىققا يە بولۋى.

دۇنيە جۇزىندەگى ەڭ كونە كونستيتۋتسيا 1787 -جىلى امەريكا قۇراما شتاتتارىندا قابىلدانعان جانە ول بار بولعانى 27 وزگەرتۋ ەنگىزىلگەن.

ا ق ش-تىڭ نەگىزىن قالاۋشىلاردىڭ ءبىرى - بەندجامين فرانكلين قول قويعان كونستيتۋتسيانىڭ ءتۇپنۇسقا كوشىرمەسىنىڭ ءبىرىنشى بەتى

نەلىكتەن انگليادا كونستيتۋتسيا جوق؟

ونىڭ ورنىن ەجەلگى زاڭدار، سوت تاجىريبەسى جانە كەيبىر كونستيتۋتسيالىق كەلىسىمدەر باسقان. ولاردىڭ ەڭ ۇلكەنى رىتسارلىق كەزىندە قابىلدانعانىنا قاراماستان، بريتاندىقتار بۇل زاڭدى قۇرمەتتەيدى. بۇل تۇردەگى ەڭ كونە قۇجاتتار XVII عاسىرداعى قۇقىقتار تۋرالى بيلل جانە IV عاسىرداعى «ۇلى ازاتتىق كارتاسى».

يزرايل. ءدىني جانە زايىرلى كوزقاراستار

قازىرگى ۋاقىتتا بۇل ەلدە ون ەكى نەگىزگى زاڭ قابىلداندى، ولاردىڭ مازمۇنى بولاشاق كونستيتۋتسيانىڭ ماڭىزدى بولىگىن قۇراۋى مۇمكىن. يزرايل قوعامىنىڭ زايىرلى جانە ءدىني بولىكتەرى اراسىنداعى كەلىسپەۋشىلىكتەر ولارعا كونستيتۋتسيانىڭ ءبىرتۇتاس ءماتىنىن جاساۋعا كەدەرگى جاسايدى. قارىم- قاتىناستىڭ بەلگىسىزدىگى بۇل ماسەلەنى كەيىنگە قالدىردى.

الەمدەگى ەڭ ۇلكەن كونستيتۋتسيا

ءۇندىستان مەملەكەتىنىڭ كونستيتۋتسياسى الەمدەگى ەڭ ۇلكەن بولىپ سانالادى، ول 12 بولىمنەن، 448 باپتان، جانە 103 تاراۋدان تۇرادى. اعىلشىن تىلىندە جازىلعان نەگىزگى مەملەكەتتىك كىتاپتىڭ رەسمي حيندي تىلىندەگى اۋدارماسى دا بار. ءۇندىستان كونستيتۋتسياسى ەڭ تۇراقتى - ول ەشقاشان وزگەرگەن ەمەس.

ەڭ بەيبىت كونستيتۋتسيا

جاپونيانىڭ كونستيتۋتسياسى 1947 -جىلى ەل ەكىنشى دۇنيەجۇزىلىك سوعىستا جەڭىلىسكە ۇشىراپ، اتوم بومباسىنان كەيىن جاسالعان. سوندىقتان باس كىتاپتا ەلدىڭ داۋلاردى كۇشپەن شەشۋدەن باس تارتۋىنا ەرەكشە توقتالعان.