بۇل ءۇش جىل مەن ءۇشىن ۇلكەن ءومىر مەكتەبى بولدى: جەڭىس قاسىمبەك قاراعاندىلىقتارمەن قوشتاستى
«قۇرمەتتى دوستار!
بۇگىن مەن قاراعاندى وبلىسىنىڭ اكىمى لاۋازىمىنداعى ءوز جۇمىسىمدى اياقتادىم. بۇل ءۇش جىل مەن ءۇشىن ۇلكەن ءومىر مەكتەبى بولدى.
ءبىرىنشى كەزەكتە مەن ازاماتتاردىڭ، كەنشىلەردىڭ، مەتاللۋرگتەردىڭ، جاستاردىڭ جانە اۋىل تۇرعىندارىنىڭ مۇددەسى ءۇشىن جۇمىس ىستەۋگە تىرىستىم. الدىمىزعا قويىلعان مىندەتتەردى شەشۋدە مەن ءارقاشان سىزدەردىڭ قولداۋلارىڭىزدى سەزىندىم، سونداي-اق ەسكەرتۋلەرىڭىز بەن ۇسىنىستارىڭىزدى تىڭدادىم.
ماعان تانىتقان سەنىمدەرىڭىز ءۇشىن بارلىعىڭىزعا شىنايى العىس ايتامىن. ءبىزدىڭ وڭىرگە اماندىق پەن ودان ءارى وركەندەۋ تىلەيمىن!»، - دەپ جازدى، جەڭىس قاسىمبەك.
