تالگو پويىزىنىڭ رەيستەرى نەگە توقتاتىلادى - مينيستر جاۋابى

استانا. قازاقپارات - يندۋستريا جانە ينفراقۇرىلىمدىق دامۋ ءمينيسترى قايىربەك وسكەنبايەۆ «تالگو» پويىزى رەيستەرىنىڭ توقتاۋىنا قاتىستى پىكىر ءبىلدىردى، دەپ حابارلايدى قازاقپارات ءتىلشىسى.

«اتاپ ايتقاندا، «تالگو» پويىزى ءبىزدىڭ تالاپ بويىنشا قوسىمشا تەحنيكالىق بايقاۋدان ءوتۋى كەرەك. سونىمەن قاتار، بۇل پويىزدىڭ جىلدامدىعى باسقا دەڭگەيدە بولعاندىقتان، ەگجەي- تەگجەيلى تەكسەرۋدى قاجەت ەتەدى. ەگەر اۋا رايىنا بايلانىستى نەمەسە كەيبىر تەحنيكالىق كىدىرىستەرگە بايلانىستى «تالگو» بەلگىلەنگەن ۋاقىت ارالىعىندا ءجۇرىپ ۇلگەرمەيتىن بولسا جانە كەشىگىپ جاتسا، وندا جاعداي تۇزەلگەنشە ءتيىستى شەشىمدەر قابىلدانادى. مەنىڭ ويىمشا، بۇل ماسەلە بىرنەشە كۇندە شەشىلەدى. سەبەبى، تەحنيكالىق تەكسەرۋ تەز ارادا اياقتالۋى كەرەك. ەگەر ءبارى دۇرىس بولسا، اتالعان پويىزداردىڭ قوزعالىسى قالپىنا كەلەدى»، - دەدى ق. وسكەنبايەۆ سەناتتىڭ جالپى وتىرىسىنان كەيىن تىلشىلەر ساۋالىنا جاۋاپ بەرە وتىرىپ.

بۇدان بۇرىن حابارلانعانداي، استانا- شىمكەنت اراسىندا قاتىنايتىن «تالگو» پويىزى ءبىر كۇنگە توقتايدى.

سونىمەن قاتار، الماتى-2 مەن پەتروپاۆل اراسىنداعى №105 «تالگو» جولاۋشىلار پويىزىنىڭ قوزعالىسى كەيبىر داتالار بويىنشا توقتايتىن بولدى.