ساباقتا ءدىندى ناسيحاتتاعان مۇعالىم جازالاندى

بەينەجازباعا بايلانىستى قالالىق ءبىلىم باسقارماسى تۇسىنىك بەردى، دەپ حابارلايدى قازاقپارات ءتىلشىسى.

الەۋمەتتىك جەلىدە تاراعان بەينەجازبادان مۇعالىم وقۋشىلاردان ءدىنىڭىز، كىتابىڭىز، مۇسىلمانبىسىز؟ دەگەن سياقتى سۇراقتار قويعانىن كورۋگە بولادى.

الماتى قالاسى ءبىلىم باسقارماسىنىڭ مالىمەتىنشە، ۆيدەوروليك قالا مەكتەپتەرىنىڭ بىرىندە تۇسىرىلگەن.

«قازاقستان - زايىرلى مەملەكەت، ال مەكتەپ - زايىرلى وقۋ ورنى. ءبىلىم بەرۋ ۇيىمدارىندا مۇعالىمدەر تەك مەملەكەتتىك ءبىلىم بەرۋ ستاندارتى مەن بەكىتىلگەن باعدارلامالار اياسىندا ساباق وتكىزۋگە مىندەتتى. باسقا ءىس-شارالاردى وتكىزۋگە تىيىم سالىنادى. مەكتەپ اكىمشىلىگى مەن مۇعالىمگە شارا قولدانىلادى»، - دەپ حابارلادى قالالىق ءبىلىم باسقارماسىنان.