يندونەزيا نەكەسىز جىنىستىق قاتىناسقا جانە دىننەن باس تارتۋعا زاڭدى تۇردە تىيىم سالادى
جاڭا زاڭ - قىلمىستىق كودەكسكە ەنگىزىلگەن وزگەرىستەردىڭ ءبىر بولىگى. ءۇش جىلدان كەيىن عانا كۇشىنە ەنەدى جانە پرەزيدەنتتى قورلاۋعا جانە مەملەكەتتىك يدەولوگياعا قارسى سويلەۋگە تىيىم سالۋدى قامتيدى.
قۇقىق قورعاۋ توپتارى جاڭا زاڭ ەلدەگى ايەلدەردىڭ، ل گ ب ت جانە ەتنيكالىق از توپتاردىڭ قۇقىقتارىنا نۇقسان كەلتىرەدى دەپ سانايدى.
قۇقىق قورعاۋشىلار، سونداي- اق، جاڭا كودەكس ساياسي پىكىر ءبىلدىرۋ بوستاندىعىنا قىسىم كەلتىرىپ، ءدىني سەنىم بوستاندىعىن شەكتەيىنىن ايتادى.
ديففاماتسيا تۋرالى جاڭا باپتار سونىمەن قاتار پرەزيدەنتتى نەمەسە ۆيتسە- پرەزيدەنتتى قورلاۋدى زاڭسىز دەپ سانايدى - ول ءۇشىن ءۇش جىلعا دەيىن باس بوستاندىعىنان ايىرۋ جازاسى قاراستىرىلعان. ۇلتتىق يدەولوگياعا قايشى كەلەتىن پىكىر ايتۋ دا وسى ساناتقا جاتادى. كودەكستىڭ بۇرىنعى رەداكتسياسىندا مەملەكەت باسشىسىن قورلاۋ تۋرالى جەكە باپ بولماعان، بۇل ىستەر ديففاماتسيا تۋرالى زاڭ اياسىندا قارالعان.
