قاي وڭىردە جەمقور پوليتسەي كوپ

Finprom.kz پورتالىنىڭ دەرەگىنشە، سىبايلاس جەمقورلىق قىلمىس جاساعان ىشكى ىستەر ورگاندارى قىزمەتكەرلەرىنىڭ جارتىسىنا جۋىعى پارا الۋ كەزىندە ۇستالدى: 61 قىزمەتكەر، بىلتىرعىدان 7 پايىزعا كوپ.

تاعى 33,3 پايىزى سىبايلاس جەمقورلىققا قاتىستى الاياقتىقپەن قولعا ءتۇستى: 41 ادام، ءبىر جىلدا بىردەن 24,2 پايىزعا كوبەيگەن.

8 ادام قىزمەتتىك وكىلەتتىكتەرىن تەرىس پايدالانعانى ءۇشىن، 7 ادام پارا بەرۋ كەزىندە، 2 ادام بيلىگىن نەمەسە لاۋازىمدىق وكىلەتتىگىن اسىرا پايدالانعانى، پارا الۋعا دەلدالدىق جاساعانى، سونداي- اق قىزمەتتە ارەكەتسىزدىگى ءۇشىن ۇستالدى.

وڭىرلەر بويىنشا سىبايلاس جەمقورلىققا جول بەرگەن شەنەۋنىكتەردىڭ — ىشكى ىستەر ورگاندارى قىزمەتكەرلەرىنىڭ باسىم بولىگى الماتىدا ء(بىر جىل بۇرىنعىداي 15 ادام) جانە تۇركىستان وبلىسىندا (15 ادام، ءبىر جىل بۇرىن 6 ادام بولعان) تىركەلدى.

ودان كەيىن سولتۇستىك قازاقستان (14 ادام)، اقتوبە (11 ادام) جانە قاراعاندى (10 ادام) وبلىستارى تۇر.

ىشكى ىستەر ورگاندارىنداعى جەمقورلار ەلىمىزدىڭ 20 ءوڭىرىنىڭ 17-سىندە بار.

اۆتور

مارلان جيەمباي