قوستانايداعى سۋ قۇبىرىندا اپات بولدى

قوستاناي. قازاقپارات - تاڭەرتەڭ قوستاناي كوشەلەردىڭ بىرىندەگى قىسىم كوللەكتورىندا اپات ورىن الدى، جوندەۋ جۇمىستارى جۇرگىزىلۋدە، دەپ حابارلايدى قازاقپارات ءتىلشىسى.

«بۇگىن تاڭعى ساعات 06:45 تە قوستاناي قالاسىنداعى ماياكوۆكي كوشەسىندە مەشىت جانىندا ورنالاسقان قىسىم كوللەكتورىندا (D600) اپات بولعانى تۋرالى حابارلاما كەلىپ ءتۇستى. اپات سالدارىنان كوشەنىڭ تاس جولىنا سۋ اققان. قازىرگى ۋاقىتتا «قوستاناي سۋ» مەكەمەسىنىڭ ماماندارى كارىز جەلىسىنىڭ اپاتتى بولىگىن قورشادى.

«جوندەۋ جۇمىستارى 2-3 كۇنگە سوزىلادى. وقيعا قالانىڭ تىنىس- تىرشىلىگىن قامتاماسىز ەتۋدىڭ تەحنولوگيالىق پروتسەسىنە اسەر ەتپەيدى»، - دەپ حابارلادى اكىمدىكتەن. «قوستاناي سۋ» مەكەمەسى اپاتتى جويۋ جۇمىستارى جۇرگىزىلىپ جاتقانىن حابارلادى. كارىزدىڭ توگىلۋى توقتادى. اپات سالدارىنان جويۋ جۇمىستارى جالعاسۋدا»، - دەدى كوممۋنالدىق كاسىپورىن.