وزبەكستانداعى گاز كەن ورىندارىندا قور ازايىپ، ءونىم ءوندىرۋ تومەندەدى

وزبەكستاننىڭ ەنەرگەتيكا مينيسترلىگىنىڭ حابارلاۋىنشا، 2021 -جىلى 200 ميلليون تەكشە مەتر تابيعي گاز جوسپاردان كەم ءوندىرىلدى، ال 2022 -جىلدىڭ 11 ايىندا تابيعي گاز جوسپاردان 5 پايىزعا كەم وندىرىلگەن.

«ۋزبەك نەفت گاز» ا ق- عا قاراستى گاز كەن ورىندارىندا تابيعي گاز تاۋلىگىنە جوسپاردان 7,1 پايىزعا از وندىرىلگەن. ونىڭ نەگىزگى سەبەپتەرى - گاز كەن ورىندارىنداعى تابيعي گاز قورىنىڭ ازايۋى جانە كەن ورىندارىندا اپاتتاردىڭ ورىن الۋى.

بۇگىنگى كۇنى قابىلدانعان شارالارعا قاراماستان، اۋا تەمپەراتۋراسىنىڭ كەنەت سالقىنداۋىنا بايلانىستى قۇبىرلارداعى گاز قىسىمىنىڭ تومەندەۋى بايقالادى. وندىرىلەتىن كوگىلدىر وتىن ىشكى تۇتىنۋعا، اتاپ ايتقاندا، تۇرعىن ۇيلەر مەن الەۋمەتتىك نىساندار مەن جىلۋ ەلەكتر ستانسيالارىنا جىبەرىلەدى»، دەلىنگەن حابارلامادا.

بۇعان دەيىن، تاشكەنتتە اۆتوكولىكتەرگە گاز قۇيۋ بەكەتتەرى ۋاقىتشا جابىلعانى تۋرالى حابارلاندى.