الماتىدا ءجىتى رەسپيراتورلىق ۆيرۋستى ينفەكتسيا جۇقتىرعان بالالار كوبەيدى
بۇل تۋرالى وڭىرلىك كوممۋنيكاتسيالار قىزمەتى الاڭىندا وتكەن باسپا ءسوز ءماسليحاتىندا قالالىق سانيتارلىق- ەپيدەميولوگيالىق باقىلاۋ دەپارتامەنتى باسشىسىنىڭ ورىنباسارى اسەل قالىقوۆا ءمالىم ەتتى، دەپ حابارلايدى قازاقپارات ءتىلشىسى.
ونىڭ ايتۋىنشا، وتكەن اپتادا الماتى قالاسىندا ج ر ۆ ي، تۇماۋ اۋرۋلارىنىڭ 23995 جاعدايى تىركەلدى.
«بۇل اۋرۋمەن ناۋقاستانعانداردىڭ %65,7 بالالار. تۇماۋدى 110 ادام جۇقتىرعان، ونىڭ ىشىندە «ۆ» ءتۇرىن 109 ادام، «ا» ءتۇرىن (H3N2) 1 ادام جۇقتىرعان، بارلىق ناۋقاستار ەم قابىلدادى، جاعدايلارى قاناعاتتانارلىق»، - دەپ اتاپ ءوتتى اسەل قالىقوۆا.
سپيكەر ۆاكتسيناتسيانىڭ حالىقتى تۇماۋ ۆيرۋسىن جۇقتىرۋدان قورعاپ قانا قويماي، اسقىنۋلار مەن ءولىم- ءجىتىم دەڭگەيىن ايتارلىقتاي تومەندەتۋگە كومەكتەسەتىنىن ەسكە سالدى.
2022 -جىلعى 30-قاراشاداعى جاعداي بويىنشا تۇماۋعا قارسى 223349 ادام ەكپە الدى، ونىڭ ىشىندە 210000 ادام «قاتەر» توبىندا (%100).
سونداي- اق، ول جەكەمەنشىك مەديتسينالىق ورتالىقتاردا ءوز قالتاسىنان تولەپ، ەكپە العىسى كەلگەن باسقا تۇرعىندارعا جانە ءارتۇرلى سالالاردا ەڭبەك ەتەتىندەرگە جۇمىس بەرۋشىلەر ەسەبىنەن تۇماۋعا قارسى ەكپە جۇرگىزىلۋدە.
قالا بويىنشا 9698 ادام جۇمىس بەرۋشىلەر ەسەبىنەن ۆاكسيناتسيالانسا، 3651 ادام ءوز قارجىسىنا ۆاكسينا سالدىردى.
اسەل قالىقوۆا قالا تۇرعىندارىن جرۆي جانە تۇماۋمەن سىرقاتتانۋشىلىقتىڭ ءورشۋى كەزەڭىندە سپەتسيفيكالىق پروفيلاكتيكادان باسقا سپەتسيفيكالىق ەمەس پروفيلاكتيكانىڭ جالپى شارالارىن ساقتاۋدى ۇسىندى:
- ج ر ۆ ي- مەن ناۋقاستانعان ادامداردان اۋلاق بولىڭىز، ال ەگەر بايلانىسۋ قاجەت بولسا، وندا ماسكا كيىپ، وكسولين مايىن قولدانىڭىز؛
- اۋرۋعا شالدىققان جاعدايدا ۇيدە بولۋ، ءوزىن- ءوزى ەمدەۋمەن اينالىسپاۋ، مەديتسينا قىزمەتكەرىن شاقىرىپ، وتباسى ورتاسىندا نەمەسە ۇجىمدا بولعان كەزدە ماسكا كيۋ، دارىگەردىڭ تاعايىنداۋى بويىنشا ەم الۋ قاجەت؛
- تۇشكىرۋ جانە جوتەل كەزىندە اۋزىڭىزدى قولىڭىزبەن، مايلىقپەن، ورامالمەن جاۋىپ، قولىڭىزدى مۇمكىندىگىنشە ءجيى جۋىڭىز؛
- يممۋندىق جۇيەنى ارتتىرۋ: س ءۆيتامينىن جانە دارىگەردىڭ ۇسىنىسى بويىنشا باسقا ءدارى- دارىمەكتەردى قولدانۋ؛
- قاشىقتىقتى ساقتاۋ، كوپ ادام جينالعان ءىس- شارالارعا قاتىسۋدى ازايتۋ قاجەت، اسىرەسە جرۆي، تۇماۋ اۋرۋىنىڭ كوتەرىلۋى كەزەڭىندە، ءۇي- جايلاردى ىلعالدى تازالاپ، جەلدەتۋ كەرەك؛
- سىرقاتتانعان بالالاردى ۇيىمداستىرىلعان ۇجىمدارعا، مەكتەپكە دەيىنگى بالالار مەكەمەلەرىنە جىبەرمەۋ.
