16:05, 05 - جەلتوقسان 2022 | GMT +5
قاجىعا باراتىن قازاقستاندىقتار تۇركىستان اۋەجايىنان ۇشا الادى
تۇركىستان. قازاقپارات- تۇركىستان قالاسىنداعى «ازىرەت سۇلتان» اۋەجايىنان «تۇركىستان- ەل- كۋۆەيت» باعىتىندا العاشقى جولاۋشىلار ساپارعا شىقتى، دەپ حابارلايدى قازاقپارات ءتىلشىسى.
بۇدان بىلاي قاجىلىققا بارعىسى كەلەتىن قازاقستاندىقتار تۇركىستان قالاسىنداعى حالىقارالىق اۋەجايدان ۇشا الادى. رەيستەر اپتانىڭ سەيسەنبى جانە جەكسەنبى كۇندەرى «Airbus-320» ۇشاعىمەن ورىندالادى. بيلەت قۇنىن 150000 تەڭگەدەن باستاپ بەلگىلەپ وتىر.
كومپانيا وكىلدەرىنىڭ سوزىنشە الداعى ۋاقىتتا رەيستەر سانى ۇلعايتىلۋى مۇمكىن. بۇل قازاقستان مەن كۋۆەيت اراسىنداعى ساۋدا- ەكونوميكالىق، ىسكەرلىك، ينۆەستيتسيالىق، مادەني جانە تۋريستىك ءوزارا قارىم- قاتىناستاردىڭ ودان ءارى دامۋىنا ىقپال ەتپەك.
