قازاقستان گرەكيا مەن بارلىق ە و ءۇشىن سەنىمدى ەنەرگەتيكالىق سەرىكتەس - مينيستر دەندياس
مۇنى ەلىمىزگە العاش رەسمي ساپارمەن كەلگەن گرەكيا رەسپۋبليكاسىنىڭ سىرتقى ىستەر ءمينيسترى نيكولاس دەندياس مالىمدەدى، دەپ حابارلايدى قازاقپارات ءتىلشىسى.
«قازاقستان گرەكيا مەن بارلىق ەۋروپالىق وداق ءۇشىن سەنىمدى ەنەرگەتيكالىق سەرىكتەس. ءبىز گاز ءدالىزىنىڭ قيىلىسىندا تۇرمىز. سونىمەن قاتار ءبىز - ورتالىق جانە شىعىس ەۋروپاعا شىعاتىن قاقپامىز. ارىپتەسىم ەكەۋىمىز ايماقتاعى كولىك ينفراقۇرىلىمىن دامىتۋ بويىنشا ورتاق مۇددەلەردى دە تالقىلادىق. قازاقستان مەن ەۋروپالىق وداق اراسىنداعى قارىم- قاتىناستىڭ ماڭىزدىلىعىنا توقتالدىق. گرەكيا بۇل باعىتتاعى ىنتىماقتاستىقتىڭ ءارى قاراي دامۋىنا كۇش سالۋعا نيەتتى. سونداي- اق ءبىز كەڭەيتىلگەن سەرىكتەستىك پەن ىنتىماقتاستىق تۋرالى كەلىسىمنىڭ كۇشىنە ەنۋىن قۇپتايمىز»، - دەدى نيكولاس دەندياس.
سونداي- اق ن. دەندياس اقتاۋ قالاسىندا گرەكيا كونسۋلدىعىن اشۋعا كومەكتەسكەنى ءۇشىن ەل ۇكىمەتىنە العىس ءبىلدىردى.
«گرەكيا مەن قازاقستان ءبىر- بىرىنەن الىس قاشىقتىقتا ورنالاسقان. ءبىراق ءبىزدىڭ ارامىزداعى دوستىق قارىم- قاتىناس وتە جوعارى ماڭىزعا يە. قازاقستاندا 10 مىڭ گرەك ۇلتىنىڭ وكىلى تۇرسا، گرەكيادا مىڭداعان قازاقستاندىق تۇرادى. بۇل ءبىزدىڭ بەرىك دوستىعىمىزدىڭ ناتيجەسى دەپ بىلەمىن. سونىمەن بىرگە قازاقستان ۇكىمەتىنە ريزاشىلىعىمدى بىلدىرگىم كەلەدى. ءبىزدى اقتاۋ قالاسىندا كۇتكەنىنە دە العىس ايتامىن. بۇدان ءارى قاراي دا ىنتىماقتاستىق بايلانىسىمىزدى بۇۇ ارقىلى جۇرگىزەمىز دەگەن ۇمىتتەمىن»، - دەپ ريزاشىلىعىن ءبىلدىردى اتالمىش ەلدىڭ سىرتقى ىستەر ءمينيسترى.
ايتا كەتەيىك، كەزدەسۋ بارىسىندا ق ر سىرتقى ىستەر ءمينيسترى مۇحتار تىلەۋبەردى بيىلعى ون ايدا قازاقستان- گرەكيا اراسىنداعى ساۋدا اينالىمى 1,4 ميلليارد دوللارعا جەتكەنىن اتاپ ءوتتى.
