ەربولات دوسايەۆ الماتى قالاسىنىڭ اكىمى بولىپ قايتا تاعايىندالدى
ەربولات دوسايەۆ 1970-جىلعى 21- مامىردا الماتى قالاسىندا دۇنيەگە كەلگەن.
1987-جىلى - الماتى قالاسىنداعى و. جاۋتىكوۆ اتىنداعى رەسپۋبليكالىق فيزيكا-ماتەماتيكالىق مەكتەپ-ينتەرناتىن ءبىتىردى.
الماتى ەنەرگەتيكالىق ينستيتۋتىن، باۋمان اتىنداعى ماسكەۋ مەملەكەتتىك تەحنيكالىق ۋنيۆەرسيتەتىن ءبىتىردى.
1997 ج. - «تۇران الەم بانكى» ج ا ق باسقارما ءتوراعاسىنىڭ ورىنباسارى، «ا ت ف بانك» ج ا ق باسقارما ءتوراعاسى؛
1998 ج. - قازاقستان رەسپۋبليكاسى پرەمەر-ءمينيسترىنىڭ كەڭەسشىسى؛
1998 ج. - قازاقستان رەسپۋبليكاسىنىڭ ەنەرگەتيكا، يندۋستريا جانە ساۋدا ۆيتسە-ءمينيسترى؛
2000 ج. - قازاقستان رەسپۋبليكاسىنىڭ قارجى ۆيتسە-ءمينيسترى؛
2001 ج. - قازاقستاننىڭ دامۋ بانكى ديرەكتورلار كەڭەسىنىڭ ءتوراعاسى؛
2001-2003 ج ج. - قازاقستان رەسپۋبليكاسىنىڭ تابيعي مونوپوليالار، باسەكەلەستىكتى قورعاۋ جانە شاعىن بيزنەستى قولداۋ اگەنتتىگىنىڭ ءتوراعاسى؛
2003-2004 ج ج. - قازاقستان رەسپۋبليكاسىنىڭ قارجى ءمينيسترى؛ قازاقستانداعى ەۋروپالىق قايتا قۇرۋ جانە دامۋ بانكىنىڭ (ە ق د ب) باسقارۋشىسى؛ قازاقستان رەسپۋبليكاسى ۇلتتىق بانكىنىڭ باسقارما مۇشەسى؛
2004-2006 ج ج. - قازاقستان رەسپۋبليكاسىنىڭ دەنساۋلىق ساقتاۋ ءمينيسترى؛
2006-2012 ج ج. «قازينۆەستبانك» ا ق ديرەكتورلار كەڭەسىنىڭ ءتوراعاسى؛
2012-جىلعى 25 -قىركۇيەكتەن باستاپ - قازاقستان رەسپۋبليكاسىنىڭ ەكونوميكالىق دامۋ جانە ساۋدا ءمينيسترى.
2013-جىلعى 16- قاڭتاردان باستاپ - قازاقستان رەسپۋبليكاسىنىڭ ەكونوميكا جانە بيۋجەتتىك جوسپارلاۋ ءمينيسترى.
2014-جىلعى 6- تامىزدا قازاقستان رەسپۋبليكاسى پرەزيدەنتىنىڭ جارلىعىمەن (880№) قازاقستان رەسپۋبليكاسىنىڭ ۇلتتىق ەكونوميكا ءمينيسترى بولىپ تاعايىندالدى.
2016-جىلعى مامىردان باستاپ 2017-جىلعى تامىز ارالىعىندا - «بايتەرەك» ۇلتتىق باسقارۋشى حولدينگى» اكسيونەرلىك قوعامىنىڭ باسقارما ءتوراعاسى.
2017-جىلعى تامىزدان باستاپ 2019-جىلعى اقپان ارالىعىندا قازاقستان رەسپۋبليكاسى پرەمەر- ءمينيسترىنىڭ ورىنباسارى لاۋازىمىندا جۇمىس ىستەدى.
2019-جىلعى 25- اقپانىنان باستاپ 2022-جىلعى قاڭتار ارالىعىندا - قازاقستان رەسپۋبليكاسى ۇلتتىق بانكىنىڭ ءتوراعاسى.
2022-جىلعى 31- قاڭتارىنان باستاپ پرەزيدەنت جارلىعىمەن الماتى قالاسىنىڭ اكىمى بولىپ تاعايىندالدى.