باقىتگۇل حامەنوۆا سوت ۇكىمىنە اپپەلياتسيالىق شاعىم ءتۇسىردى
اتىراۋ وبلىسى سوتىنىڭ باسپا ءسوز قىزمەتى باقىتگۇل حامەنوۆا مەن ونىڭ قورعاۋشىسى اپەللياتسيالىق شاعىم بەرۋ ارقىلى ءبىرىنشى ساتىداعى سوتتىڭ شەشىمىنە نارازىلىق بىلدىرگەن اقپاراتتى راستادى.
«ءبىرىنشى ساتىداعى سوتقا حامەنوۆادان، ونىڭ ادۆوكاتى ۆرانچيەۆتان اپەللياتسيالىق شاعىم ءتۇستى. ءبىراق ءىس ءالى القا قاراۋىنا بەرىلگەن جوق»، - دەپ حابارلادى اتىراۋ وبلىستىق سوتىنىڭ باسپا ءسوز قىزمەتى.
ەسكە سالايىق، باقىتگۇل حامەنوۆاعا الدىن الا كەلىسىم بويىنشا پارا الدى دەگەن ايىپ تاعىلعان بولاتىن.
سوت ونى كىنالى دەپ تاۋىپ، جەتى جىلعا باس بوستاندىعىنان ايىرۋ جازاسىن تاعايىندادى. وبلىستىق سوتتىڭ باسپا ءسوز قىزمەتى مالىمەتىنشە، باقىتگۇل حامەنوۆانىڭ كامەلەتكە تولماعان بالاسىنىڭ بولۋىنا بايلانىستى جازانى وتەۋ ءۇش جىلعا شەگەرىلگەن.
