بۇگىننەن باستاپ جازعى دوڭگەلەكپەن جۇرگەندەر ايىپپۇل ارقالايدى

مۇنداي نورما «اكىمشىلىك قۇقىق بۇزۋشىلىق تۋرالى» كودەكستىڭ 590-بابى 5-بولىگىندە كوزدەلگەن. ياعني، 1-جەلتوقساننان باستاپ جازعى دوڭگەلەكپەن جۇرگەن كولىكتەرگە 5-ايلىق ەسەپتىك كورسەتكىش كولەمىندە ( 15900 تەڭگە) ايىپپۇل سالىنادى.

ىشكى ىستەر مينيسترلىگى قىستىڭ باستالۋى مەن سۋىق اۋا رايىنا بايلانىستى جولدارداعى كولىك قوزعالىسى ەرەكشە نازار اۋدارۋدى قاجەت ەتەتىنىن اتاپ ءوتتى. اتالعان ەرەجە ءبىر جىل ىشىندە قايتالاپ بۇزىلسا، ايىپپۇل كولەمى ارتادى.

مۇنداي تالاپقا جازعى شينانىڭ قىستا قاتىپ قالىپ، تۇتقىرلىق قاسيەتىنەن ايىرىلاتىنى سەبەپكەر. بۇل كولىك قوزعالىسىنىڭ ءتارتىبىن بۇزۋعا، ءتىپتى، كەيدە كولىك اپاتتارىنا اكەلىپ سوقتىرۋى مۇمكىن.

ال قىسقى دوڭگەلەكتەر قويىلاتىن تالاپ كەدەن وداعىنىڭ «دوڭگەلەكتى كولىك قۇرالدارىنىڭ قاۋىپسىزدىگى تۋرالى» تەحنيكالىق رەگلامەنتى ارقىلى رەتتەلەدى. ول رەگلامەنت بويىنشا، قىس مەزگىلىندە جۇرۋگە رۇقسات ەتىلەتىن بۇدىرلى شينالار ءوز بەلگىلەرىمەن تاڭبالانادى. ال شيناداعى كەدىر-بۇدىردىڭ تەرەڭدىگى 4 ميلليمەتردەن كەم بولماۋى شارت.