قىتايدىڭ بۇرىنعى ءتوراعاسى جياڭ زىمين قايتىس بولدى
قايعىلى حابارلامانى قىتاي كوممۋنيستىك پارتياسىنىڭ ورتالىق كوميتەتى، جالپى قىتايلىق حالىق وكىلدەرى جينالىسىنىڭ تۇراقتى كوميتەتى، ق ح ر مەملەكەتتىك كەڭەسى، قىتايدىڭ حالىقتىق ساياسي-كونسۋلتاتيۆتىك كەڭەسى جالپى قىتايلىق كوميتەتى جانە ق ك پ مەن ق ح ر ورتالىق اسكەري كەڭەستەرى ءمالىم ەتتى.
قىتايدىڭ بۇرىنعى باسشىسى جياڭ زىمين 96 جاسىندا قايتىس بولدى.
جياڭ زىمين قىتايدا پارتيالىق جانە مەملەكەت قايراتكەرى بولدى. ول 1989-2002-جىلدارى قىتاي كوممۋنيستىك پارتياسى (ق ك پ) ورتالىق كوميتەتىنىڭ باس حاتشىسى، 1993-2003-جىلدارى قىتاي حالىق رەسپۋبليكاسىنىڭ ءتوراعاسى بولدى. ول 1926-جىلى 17- تامىزدا قىتايدىڭ جياڭسۋ پروۆينتسياسىنىڭ يانجوۋ قالاسىندا دۇنيەگە كەلگەن.
شانحاي جياۋتىڭ ۋنيۆەرسيتەتىنىڭ ەلەكتروتەحنيكا فاكۋلتەتىندە وقىعان. 1947-جىلى ۋنيۆەرسيتەتتى بىتىرگەن، قىتاي كوممۋنيستىك پارتياسىنىڭ قاتارىنا ودان ءبىر جىل بۇرىن قابىلدانعان.
