التاي كولگىنوۆ ءوز «وتستاۆكاسى» تۋرالى پىكىر ءبىلدىردى
ق ر پەزيدەنتىن ۇلىقتاۋ راسىمىنەن كەيىن ب ا ق وكىلدەرى ەلوردا اكىمى التاي كولگىنوۆتەن ءوز وتستاۆكاسى تۋرالى تەلەگرام- ارنالاردا تاراعان اقپاراتتارعا قاتىستى پىكىرىن سۇرادى.
«مەن سىبىستارعا بايلانىستى ەشتەڭە دەپ پىكىر بىلدىرە المايمىن. مەنىڭ ويىمشا، ءبارىن ۋاقىت كورسەتەدى. وزدەرىڭىز بىلەسىزدەر، زاڭعا سايكەس، كونستيتۋتسيا بويىنشا پرەزيدەنت سايلانعاننان كەيىن اكىمدەردىڭ ءبارى دە ءوز لاۋازىمىن بوساتادى. ودان ءارى قاراي نە بولاتىنىن وزدەرىڭىز دە ەستيتىن شىعارسىزدار. ءبىز ءاردايىم ەلگە، قوعامعا قىزمەت ەتۋگە دايىنبىز. مەملەكەتتىك قىزمەتتىڭ دە ءمانى سول عوي»، - دەدى اكىم.
ايتا كەتەيىك، بۇگىن استاناداعى تاۋەلسىزدىك سارايىندا قازاقستان پرەزيدەنتىنىڭ ۇلىقتاۋ ءراسىمى ءوتتى.
