قازاقستان ۇلتتىق مۇددەسىن قورعاۋعا باعىتتالعان كونسترۋكتيۆتى سىرتقى ساياساتىن جالعاستىرادى
«قازاقستان ءوز ۇلتتىق مۇددەسىن قورعاۋعا باعىتتالعان تەڭگەرىمدى جانە كونسترۋكتيۆتى سىرتقى ساياساتىن جۇزەگە اسىرۋدى جالعاستىرادى. رەسەيمەن، قىتايمەن جانە ورتالىق ازياداعى باۋىرلاس مەملەكەتتەرمەن، ينتەگراتسيالىق بىرلەستىكتەر جونىندەگى سەرىكتەستەرمەن اراداعى ءوزارا ءتيىمدى ىنتىماقتاستىق پەن ستراتەگيالىق ارىپتەستىك ماسەلەلەرى باستى نازاردا بولادى»، - دەدى قاسىم- جومارت توقايەۆ.
ق ر پرەزيدەنتى باسقا مەملەكەتتەرمەن دە ەلىمىز كوپجاقتى ىنتىماقتاستىقتى دامىتاتىندىعىن باسا ايتتى.
«ا ق ش- پەن، ەۋروپالىق وداقپەن، ازيا، تاياۋ شىعىس جانە كاۆكاز مەملەكەتتەرىمەن، سونداي- اق باسقا مۇددەلى ەلدەردىڭ بارلىعىمەن كوپجاقتى ىنتىماقتاستىقتى دامىتۋ ءۇشىن بار كۇش- جىگەرىمىزدى جۇمسايمىز. قازاقستان قازىرگى حالىقارالىق قۇقىق پەن ب ۇ ۇ جارعىسىن بەرىك ۇستاناتىن ەل بولىپ قالا بەرەدى»، - دەدى مەملەكەت باسشىسى.
قولىنان ءىس كەلەتىن جانە ەلگە بەرىلە قىزمەت جاسايتىن ازاماتتارعا عانا ورتامىزدا ورىن بار.
«باسقا ماڭىزدى ءارى وزەكتى ماسەلەلەر بويىنشا شەشىمدەردى كەيىنىرەك جاريالايمىن. تاعى دا قايتالاپ ايتامىن، الدا اتقاراتىن شارۋا كوپ. بۇل - جەڭىل جۇمىس ەمەس، ءبىراق ەلگە پايداسى تيەتىن قىزمەت. مەن بۇكىل مەملەكەتتىك اپپاراتتان وسى مىندەتتى ابىرويمەن ورىنداۋدى تالاپ ەتەمىن. قولىنان ءىس كەلەتىن جانە ەلگە بەرىلە قىزمەت جاسايتىن ازاماتتارعا عانا ورتامىزدا ورىن بار»، - دەدى ق. توقايەۆ.
وسى ورايدا مەملەكەت باسشىسى ءوز ىسىنە ادال ادامدارعا قولداۋ كورسەتىلەتىنىن، قوعام ولارعا قۇرمەت بىلدىرەتىنىن اتاپ ءوتتى.
«حالقىمىزدىڭ ناقىل ءسوزىن ءسال تۇرلەندىرىپ ايتساق: «بايلىق پەن مانساپ - قولعا ۇستاعان مۇز، ەريدى دە كەتەدى. ال، ەلگە جاساعان قىزمەت - ارتتا قالعان ءىز، ول ۇرپاقتان ۇرپاققا جەتەدى». وسىنى ءار ازامات ءتۇسىنۋى كەرەك. ەل مۇددەسى - بارىنەن بيىك. مەن بارلىق مەملەكەتتىك قىزمەتشىدەن ءوز جۇمىسىن ادال اتقارۋدى تالاپ ەتەمىن»، - دەدى پرەزيدەنت.
