ءاربىر ازامات ەلدىڭ بولاشاعى ءۇشىن ءوز جاۋاپكەرشىلىگىن سەزىنۋگە ءتيىس – ق ر پرەزيدەنتى

«ەندى ءبىزدىڭ ورتاق ماقساتىمىز - زاڭ مەن ءتارتىپ ۇستەمدىك قۇراتىن، ازاماتتاردىڭ قۇقىعىنا لايىقتى قۇرمەت كورسەتىلەتىن ادىلەتتى قازاقستاندى قۇرۋ. قوعامدى ترانسفورماتسيالاپ، قازاقستاندى شىنايى دەموكراتيالىق ينستيتۋتتارى دامىعان ەلگە اينالدىرۋ ءۇشىن اۋقىمدى جۇمىس اتقارۋىمىز كەرەك. سوندا عانا ۇلتتىڭ جاڭا ساپاسىن قالىپتاستىرىپ، قاستەرلى تاۋەلسىزدىگىمىزدى نىعايتامىز. ءقازىر ءبىز وسى قيىن- قىستاۋ جولدىڭ باسىندا تۇرمىز»، - دەدى ق ر پرەزيدەنتى.

مەملەكەت باسشىسى الدىمىزدا اتقاراتىن جۇمىس كوپ ەكەندىگىن باسا ايتتى.

«ءاربىر ازامات ەلدىڭ بولاشاعى ءۇشىن ءوز جاۋاپكەرشىلىگىن سەزىنۋگە ءتيىس. مەملەكەتتىك ساياساتىمىزدىڭ نەگىزگى باعىتى - ءبىلىم بەرۋ ىسىنەن باستاپ يندۋستريالاندىرۋعا دەيىن قوعامنىڭ بارلىق سالاسىن جاڭعىرتۋ. ەلىمىزدىڭ ۇزاق مەرزىمدى ەكونوميكالىق ءوسىمىنىڭ نەگىزىن جاڭا تەحنولوگيالار، جوعارى ەڭبەك ونىمدىلىگى، ازاماتتاردىڭ شىعارماشىلىق باستامالارى قۇرايدى»، - دەدى قاسىم- جومارت توقايەۆ.

كەزەكتەن تىس پرەزيدەنت سايلاۋى قازاقستان حالقىنىڭ قاجەت كەزدە جۇمىلا بىلەتىنىن كورسەتتى. «كونستيتۋتسياعا سايكەس بيلىك تارماقتارى تۇگەل جاڭعىرتىلادى. وسىنداي جاڭا ساياسي ماۋسىمدى پرەزيدەنت سايلاۋى باستاپ بەردى. سايلاۋ ناۋقانى 3 ايعا جۋىق ۋاقىتقا سوزىلدى. وسى كەزەڭدە ەلىمىزدىڭ بولاشاعى تۋرالى ءتۇرلى مازمۇندى پىكىرتالاستار بولدى. جۇرتىمىز ءوز بولاشاعىنا بەي- جاي قارامايتىنىن كورسەتتى. ازاماتتىق قوعامنىڭ كەمەل ينستيتۋتقا اينالعانى ايقىن اڭعارىلدى. ساياسي الاڭعا جاڭا تۇلعالار شىقتى. وسىلايشا، حالقىمىز 20 قاراشادا ءوز تاڭداۋىن جاسادى»، - دەدى قاسىم جومارت- توقايەۆ.

پرەزيدەنتتىڭ پايىمىنشا، سايلاۋ ءادىل ءارى اشىق ءوتتى.

«بۇل - بايقاۋشىلاردىڭ، ساراپشىلار مەن جۋرناليستەردىڭ بەرگەن باعاسى. ەل- جۇرتتىڭ بەلسەندىلىگى ەرەكشە جوعارى بولدى. كەيبىر ازاماتتار بۇكىل وتباسىمەن كەلىپ، داۋىس بەردى.

بۇل ناۋقان ەل مۇددەسى ءۇشىن ۇلت بولىپ بىرىگە الاتىنىمىزدى كورسەتتى. بابالارىمىز قاي زاماندا دا بىرلىگىن بارىنەن بيىك قويعان. ءبىز اتا جولىن ساقتاي بىلگەن، زاماناۋي جانە وركەنيەتتى ەل ەكەنىمىزدى بۇكىل دۇنيە جۇزىنە پاش ەتتىك. بىرلىگىمىزدىڭ بەكەمدىگىن تاعى دا دالەلدەي الدىق. وسى سايلاۋدا جۇرتىمىز ماعان زور سەنىم ءبىلدىردى»، - دەدى مەملەكەت باسشىسى.

ەسكە سالساق، قر ورتالىق سايلاۋ كوميسسياسىنىڭ شىعارعان قورىتىندىسى بويىنشا 20- قاراشاداعى كەزەكتەن تىس پرەزيدەنت سايلاۋىندا كانديدات قاسىم- جومارت توقايەۆ سايلاۋشىلاردىڭ 81,31 پايىز داۋىسىن جيناپ، جەڭىسكە جەتكەن بولاتىن.